حنان الفتلاوي صحاف المالكي

ماجد العذاري

الحوار المتمدن-العدد: 3988 - 2013 / 1 / 30 - 09:17
المحور: كتابات ساخرة
    

حنان الفتلاوي صحاف المالكي
منو الي ما يعرف محمد سعيد الصحاف صاحب المقولة
العلوچ

ايام زمان جانت
صحف ومجلات وتلفزيون واذاعة صدام في وقت الانتخابات يكولون النتيجة مال تصويت الشعب العراقي بالموافقة على رئاسته نسبة
99,9
تسعة وتسعون وتسعة بالعشرة يعني يخلون واحد ما موافق على صدام
هسه جماعة المالكي
ايكولون لو كل الشعب العراقي يعني كل الشعب يساوي نسبة مائة بالمائة
مو هشكل كالت حنان الفتلاوي
صحاف المالكي
اشلون عمي حنان الصحاف
ابكيفچ هيه
والنوب هذا الموديل منين جايبينه مال كل الشعب قبل مدة خضير الخزاعي قال في مقابلة مع جريدة الشرق الاوسط
إن العراق محدود الإمكانيات وان الحكومة لا تملك الأموال اللازمة لتحقيق كل ما يصبو إليه العراقيون الذين لو خرجوا كلهم، حسب قوله، فان أي شيء لن يتغير
شني السالفة فهمونا سالفة كلهم شني ما تعترفون انتم بالشعب.

اذا الشعب كله ايكول لاء وانتي اتكولين انريده بعد 3 دورات واربع دورات وخمس دورات
هسه لو كايله نص الشعب رايد المالكي بيها باب وجواب
زين والنوب اكو فد نائب اسمه
هادي الياسري
تدرون اشصرح
قال النائب عن ائتلاف دولة القانون هادي الياسري الذي يتزعمه رئيس الوزراء نوري المالكي
ان المحكمة الاتحادية سترد قانون تحديد ولاية الرئاسات الثلاث لعدم شرعيته
.عمي بعدنا ما ودينا قرار مجلس النواب للمحكمة الاتحادية
بس اريد اعرف
انته اشلون عرفت القرار قبل الحاكم
انطاكم عهد
الحاكم وخبركم وقال بالحرف الواحد
خل يجي القرار واعتبروا الحكم من صالحكم
مو 3 دورات والله لخلي المالكي رئيسا لمجلس الوزراء
ووزير الدفاع ووزير الداخلية وشكو وزارة تردونها هم اخليها للمالكي
مادامه يشتم الهوى
زين عمي اذا هشكل انتم تعرفون النتيجة على شنو امخلين البرلمان
وهالفلوس والحمايات والسيارت و ووو
زين عمي ليش
ما اتكولون بالعربي الفصيح مو بالمبطن المستور ترى يا شعب يا من تسكنون عدنا بالعراق
المالكي
محد غيرة يجي يصير امكانه
مش بوزك يا مواطن الحكم النا للمالكي وبطانته والما يعجبه خل يلكف جنطته ويفلت وين ما ايريد ايروح هذا شي بكيفه
وكأني ارى فيكم تعيدون مقولة احد ابطال المنطقة الخضراء الحاليين عندما كان ذراعه القانوني اليمين لصدام
صاحب المقولة المشهورة
أعظم قائد لأعظم شعب
والمقولة الاخرى
البيعة الأبدية
زين هسه يطلع فد واحد يقول ان النائبة حنان الصحاف حاليا
والفتلاوي سابقا
وللعلم والحق يقال ان عشيرة ال فتلة عشيرة لها مكانتها وقدرها واعتباراتها وثقلها في الساحة الوطنية منذ تاسيس العراق ليومنا هذا
زين راح يصرح هذا النائب ويقول يا ناس ترى حنان الصحاف ما اتمثل الا نفسها ولا تمثل كتلة دولة القانون
لو بس اعرف هاي امنين يجيبون الاسماء
كتل وجبهات وامراء وشيوخ
اوووف الشيوخ مال هالوكت
اكو احد الشيوخ اطال الله عمره كان عندما يكتب رسالة الى صدام
مو يكتب طلب يتوسل لو يترجى لا عمي لا اغاتي
جان يكتب بتوجيهه الى العمل الصحيح اذا اتصرف مسؤول بعثي بطريقة خاطئة بحق مواطن عراقي يكتبله اشلون اتصرف هذا المسؤول واشلون الصحيح الي لازم ايسويه المسؤول
تدرون شيكتب باخر الرسالة
فلان الفلاني
بدون كلمة الشيخ
سألت احد اولاده لماذا لايكتب الوالد كلمة الشيخ
كلي
عاد الي ما يعرف ابوي هو شيخ
خل يروح ايطم نفسه ان جان صدام او غير صدام
هاي الشيوخ اغاتي
مو شيوخ مال هل وكت
البسلك صاية وجاكيت وبشت وشماغ وعكال وكول
اني شيخ

فاصل ونواصل
شيوخ تالي الليل
كان في العراق شخصية فنية اسمه ملا عصام او عصام الملا تختلف عن معايير الفن ولديه فرقة نسائية خاصه به لاحياء الحفلات الخاصة وكان لسانه سليط حاد جارح لايهاب
احد علما انه كان من المقربين الى حكومة صدام وقتل بسبب لسانه السليط وبطريقة قطع اللسان
في احد الايام كان هذا الفنان سهران في احد الملاهي الليلية في بغداد وكان ذاهب الى مكان الحمامات فاوقفه احد الاشخاص الذين يدعون انهم شيوخ مال تالي الليل
فقال الشيخ
ملا عصام ما اعرفتني
فرد ملا عصام عليه
لا اعيوني ما عرفتك
فرد الشيخ عليه
اني شيخ فلان الفلاني
فرد عليه ملا عصام
دروح فدوه لعينك اذا انته شيخ شتسوي بنص الليل بهل الملاهي
دروح لخيمتك ووزع كهوة
وصيح
المهلي ما ايولي
وما اكثر الشيوخ اليوم مال تالي الليل وتصريحاتهم النارية
وما اكثر التصريحات الليلية
تحت غطاء الشرعية والديمقراطية
وحبة ليك وحبة ليّ

#ماجد_العذاري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل