دليل جديد!!

رشا أرنست
(Rasha Ernest)

الحوار المتمدن-العدد: 3924 - 2012 / 11 / 27 - 16:10
المحور: الادب والفن
    

قالك ادلة جديدة
ادلة جديدة لو عاوز الحقيقة
دليل جديد يعني يقوم شهيد
يشاور ع القاتل
ويرجع يموت سعيد

او يتفتح مكتب فيه اشاره
ومنه تتعرف الامارة
وتشاور على قاتل بزماره
حدش شاف دليل شهيد؟

ولا يمكن نلاقي سلاح جاي من بعيد
طاير يخش ع المحكمة
يترمي يقر على افراد المهزلة
يقول ده اللي اتفق
وده اللي نفق
وده اللي بايده الدم نزف
حدش شاف دليل جديد؟

اسألوا الميدان ياللي رافعين الميزان
اسألوه.. وترابه هايجاوب
يشهد على الاقدام
اللي داست على الاحلام
والدم اللي لسه صارخ وبيعاتب
فين يا جدعان الميدان.. فين العهد؟
فين اللي داسوا ع الرقاب
وجابوا ورد الجناين تحت

اسألوا الشجر والطير
اسألوا الاشارات وعربيات السير
شهودنا الرصيف والخيام
وحراس من النجوم والايام
اسألوا الورد اللي فتح واللي اتقطف
واللي اتخطف وبعين واحدة عايش صدف
الشهود كتير وبتسألوا وعاوزين دليل
ده عمى منكم ولا العدل هو الضرير؟
حياتنا على كفة واعلانكم على كفه
وكلمة الميدان هي اللي هاتعدل الدفة


بمناسبة الاعلان الدستوري لرئيس مصر نوفمبر 2012
والذي ينص على اعادة المحاكمات في قضية قتل الثوار في حالة ظهور ادلة جديدة فقط.

#رشا_أرنست (هاشتاغ)       Rasha_Ernest#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل