ضميني يا امّه

رشا أرنست
(Rasha Ernest)

الحوار المتمدن-العدد: 3919 - 2012 / 11 / 22 - 00:57
المحور: الادب والفن
    

تسمحولي اضمه
تتملى عيني منه
علشان تتحفر بقلبي علامات نصره

سبوني اضمه
واترجى روحه
او روحي تحن له
وتروح معاه وماتعش يوم بلاه

سبوني اضمه واحفظ تفاصيل رسمه
علشان ادور عليه في ملامحكم
واستنى "ضميني يا امه" بوجودكم

سبوني اضمه واقوله ازاي شلته
وازاي حلمت بعرسه
وازاي رضيت ينزل يقول يا بلد
شدي حيلك منيايا اغنيلك
غنوة حرية
تطرح جيل
عارف معنى الكرامة
وعايش بإنسانية

سبوني اضمه واتذكر غناه ومواويله
وهو رافع العلم بيغني خلاص الالم
ويقولي شوفي يا امه البلد هاتصحى م العدم
واوعى تفتكري انى بس يا امه اللي شايل همها
ده في غيري كل لحظة بيكتشف حبها
والنيل اللي شايفاه ده كله
هايروي من جديد ارضها

سبوني اضمه وامسح بكمي دمه
علشان افضل شايفه حقه
ولو عشت يوم ولا عام ولا اعوام
مش هانسى في يوم حلمه

#رشا_أرنست (هاشتاغ)       Rasha_Ernest#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل