الحل الأكيد (زجل)

عماد عبد الملك بولس

الحوار المتمدن-العدد: 3896 - 2012 / 10 / 30 - 17:14
المحور: الادب والفن
    

(إهداء إلي حجاج صندوق النقد)

عندى حل لكل حاجة
مش حداقة، او سماجة ..
هى مكنة م الخواجة

*****
ريَّح أنت بس عقلك
واعتمد ع اللى اتوهبلك
وادِّى أمرك للى واكلك

أنت مالك؟
كون وماشى بالنظام
مَشِّى حالك..
هى عيشة والسلام
واللا بالك ،
فكرة منك راح تخليها تمام ؟

**********
واللى جايلك م البلاد البرانية
دى معونة واللا نجدة ربانية
غاوى بس انت فتاكة وشرانية ؟

شغل ايه
والمكن داير بيعجن بسكويت ؟
زرع ايه
والغلال م البحر جاية لكل بيت ؟
مخ ايه وعلم ايه ؟
ده شغل العفاريت !

***********************
احنا ماشيين بالهداوة كالجدود
أو حتى راكبين الحمير - لمؤاخذة - زى عبودود
أما الأتومبيل القبيح فبكرة ح ياكله دود

اوع تعرق اوع تزرع
اوع تفهم اوع تسمع
اوع يوم تقول راح اصنع

وتعال بص
الى تلك المكنة العجيبة
والتى خبأتُها
بأعمق أعماق الزكيبة
فهى أجدع شىء
....هى فى الحق .. مصيبة .

**************

مكنة ح تشيل همنا
من علام لهدوم للطعام فى فمنا
بس شرط المكنة تبقى عمنا !

وآدى حل كل حاجة
ريح انت بس عقلك
مِّشى حالك .. انت مالك
شغل ايه
زرع ايه
مخ ايه وعلم ايه ؟
(1990)

#عماد_عبد_الملك_بولس (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل