قصيدة قالولي قلبَك اختارني

جمال الشرقاوى

الحوار المتمدن-العدد: 3894 - 2012 / 10 / 28 - 14:09
المحور: الادب والفن
    

قالولي قلبَك اختارني
أنا قلت ماله و إيه يعني
لا كان ف خيالي و لا بعقلي
شاريني هواك و لا بايعني
لا كان جمالك على بالي
و لا أي شوق بيلوَّعني
فجأة لقيتك قدَّامي
نور بيدخل ف عنيّه
ورَّاني الكون يا ناس جنة
بتقرَّب الفرحة عليَّه
خلى قمر حياتي وردي
و الزمن صاحبي و حواليَّه
قالولي قلبَك أنا قلت ليه
حرام يا ربي اكدب عليه
أنا كنت عاشق موج عالي
غرَّق حلمي ف سواد عنيه
و لا كنت شايف حاله و دمعه
و لا كنت عارف أعمله إيه
لقيتني فجأة بفكر فيه
مشدود إليه بشوق و عذاب
دي حياتنا حلم بنعيش فيه
و الحزن وهم و صوته غاب
أتاريني و بعد ألف نظرة
كنت بحب و القلب داب
قلتله و قاللي و اتصارحنا
و هربنا م اللي بيجرحنا
حَصَدنا الشوق جنين أخضر
قلنا يا بُعد بقى اكرهنا
مشينا تايهين بشوق و حنين
و الهجر ف يوم م هيعرفنا
دة الزمن بيتغيَّر حاله
جرالك ايه آه يا زمن
مكان العشق نسي احبابه
ليه تسيب عشاقك للمحن
إحنا كدة نبقىَ بنحلم
نهايتنا نضيع اهو دة التمن
أكيد يا حبيبي بكرة نرجع
و شوق الحب فينا يدور
و الزمان بقى يفرح بينا
و المكان كدة نور ف نور
و لو بعدنا ف ألف طريق
هيبان ف يوم شط البحور

#جمال_الشرقاوى (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل