جمال الشرقاوى
الحوار المتمدن-العدد: 3881 - 2012 / 10 / 15 - 13:10
المحور:
الادب والفن
من زمان
و انا نفسي اجيلك
نفسي اعيش
ويَّاك ف ليلك
من زمان بستنىَ حبَّك
أه يا ويلى
و أه يا ويلك
من زمان و انتَ حبيبى
دى حاجة مش عايزة الكلام
و كنت ساعة م بتيجى
أحلامى بتعيش ف الأحلام
أيَّامى سحر
و ليلي فجر
حتى بعشق موج البحر
و كأنى مخلوق للغرام
من زمان
و انا نفسي اجيلك
نفسي اعيش
ويَّاك ف ليلك
من زمان بستنىَ حبَّك
أه يا ويلى
و أه يا ويلك
بكلمك و بخاف منك
و بدارى الخوف و اطمنلك
لو اقدر ادوِّب فيك قلبَك
و ادوب ف هواك و اعشق كلك
و لو تصبر بطول العمر
أجيب بعدك منين الصبر
مين اللى قاللى اشتاق عنك
من زمان
انا نفسى اجيلك
نفسى اعيش
ويَّاك ف ليلك
من زمان
بستنىَ حبَّك
أه يا ويلى
و أه يا ويلك
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟