معلش يا نَفسي

إيرينى سمير حكيم
كاتبة وفنانة ومخرجة
(Ereiny Samir Hakim)

الحوار المتمدن-العدد: 3874 - 2012 / 10 / 8 - 01:36
المحور: الادب والفن
    

دول قالولى دور على الضحكة وامسح اى دمعة
وحاولوا يخللونى أسير لتغيير وانا روحى طالعة
قلتلهم وانا لا اراجوز للضحكة ولا مرماطون للدمعة
ومش هكون غير نفسي ويا نفسي ما تكونى غير لىّ
هكون زى ماكون فرحان متضايق
اهى عيشة حقيقية مش تمثلية حتى وان مكانتش اللى هى

واوعاك تفكر يا زمن انى بكرة ابقى زى زمان
أبدا ده أنا بتغير للأحسن وبدوس على الأحزان
وإياك تفتكر انى بكده هخون حقيقتى ومش هكون إنسان
لا ده أنا مبخافش غير مالغدارين ولا حتى بطيق خوّان

ماعرفش ليه يا زمن بيقسوا عليك كتير
وبييجوا عليك يا صاحبي وبيحمّلوك التغيير
وأنت ذنبك إيه مانت من زمان شايل معانا كتير
وأنت فأيدك ايه يا صاحبى وهو أنت كنت الأمير؟
بنرمى عليك الحمل واحنا علينا التفكير
لازم احنا اللى نصمم وعلى الرب التدبير

ومعلش يا نفسي لو وقعت ماتزعليش
هفضل أقوم مهما وقعت وخليكى فصفى ماتزهقيش
مش عايز استسلم حتى لو يئست أوعى تخونى ماتشمتيش
بكرة امشي وأجرى وأطير ومن غير مثابرة ماتعيشيش

#إيرينى_سمير_حكيم (هاشتاغ)       Ereiny_Samir_Hakim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل