قصيدة عايز اقولك

جمال الشرقاوى

الحوار المتمدن-العدد: 3852 - 2012 / 9 / 16 - 19:32
المحور: الادب والفن
    

عايز اقولك يــ للي مني
فاكر لما كنا اصحاب
فاكر لما كنا يوم
زمان عدى و كنا احباب
خلاص فات الزمن و الله
و قلبي و قلبك راحو و الله
لكن آه و آه يــ ويلى
لما عمر الحب ولى
عايز اقولك يــ للي مني
ياما ليل بكيت كتير
و كنت يوم سلطان أمير
كنت عايش يوم و بكرة
برضو عايش و اهو يوم يسير
لقيت دموعى شمس تحرق
كل ثانية عشت فيها
كل دقيقة سلمت أمري
بحر الدموع مش هيداريها
عايز اقولك يــ للي مني
لو انت يوم غدرت بيَّه
ليَّه رب اسمه الكريم
بحاول اقسى و كتير عليَّه
ابقى يوم كداب لئيم
قلبي لسة ع العهد باقي
لكن بيصرخ كل ليلة
حيران يدور زي السواقي
مش لاقي لك طبيب و حيلة
عايز اقولك يــ للي منى
جايز يوم تتخلى عني
و تبقى مش عايز تشوفني
جايز تنسى عشرة عمر
و ان جيت اعاتبك م تكلمني
أهون عليك تسبني اضيع
تسيب فــ عيني جراح و دموع
أهون عليك تنام و قلبي
حرقة و ظلام من غير شموع
عايز اقولك يــ للي مني
مستحيل تبقى الحقيقة
ان الحزن يوم يحكم
ان القاسي يكون حكيم
و الحب يموت م يتكلم
مستحيل ان الملاك
يبقى يــ ناس هو الشيطان
و لا البخيل بالحب هيبقى
إسمه فــ يوم هو الإنسان
عايز اقولك ياللى منى
دنيانا حقيقى صغيرة
عايز اقولك و انتظرني
الدنيا خطوة صغيرة
عايز اقولك بلاش تجني
عايز اقولك يوم قابلني
بعد م تدور السنين
و م تلاقيش فرح و حنين
شوف هنبقى مين و مين
يــ خوفي يوم تندم و تلقى
الدموع دم فــ سنين
عايز اقولك يــ للي مني
فــ يوم م ينفعش البُكا
و لا حتى يشفعلك أنين
و اللى بنيته راح سراب
عشان م كانش له جنين
عايز اقولك هتاخد ايه ؟!
م هو كل شيء قدر مكتوب
و النصيب فــ اللوح قديم
و الرب اسمه رب قلوب
كفاية اقولك يــ للي مني

#جمال_الشرقاوى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل