جمال الشرقاوى
الحوار المتمدن-العدد: 3832 - 2012 / 8 / 27 - 08:27
المحور:
الادب والفن
حبيبي بيقسىَ عليَّه و قلبي
بيفكر فيه
حبيبي بيقسىَ عليَّه و عيني
بتشتاق لعنيه
كل شوية دلاله بيجرح
و تعبت اراضيه
أعمله إيه ؟!
كل شوية أحايله و اقوله
حقك على راسي
يا للي حبَّك عمري دة كله
دة غرامَك قاسي
كل شوية بيزعل مني
و تعبت اراضيه
أعمله إيه ؟!
بيبكيني و بيحيَّرني
و بيجنني
لمَّا أعاتبه أزعل منه
يبعد عني
مش عارف ليه ؟!
أعمله إيه ؟!
حبيبي بيقسىَ عليَّه و قلبي
بيفكر فيه
حبيبي بيقسىَ عليه و عيني
بتشتاق لعنيه
كل كلامه عتاب و خصام
إيه اللي انا فيه ؟!
أعمله إيه ؟!
ليه بينسىَ دموعي يــ قلبي عليه
و كمان أيَّامي
دة الشوق جوايا نار حواليه
باين فــ كلامي
و انا لسة شاريه
أعمله إيه ؟!
حبيبي بيقسىَ عليَّه و قلبي
بيفكر فيه
حبيبي بيقسىَ عليَّه و عيني
بتشتاق لعنيه
آه لو يعذر ينسىَ عناده
و انا بجري وراه
أعمله إيه ؟!
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟