طقاطيق مرفوسة – على الواقع وأيامه- طقطوقة4

محمد طلعت

الحوار المتمدن-العدد: 3803 - 2012 / 7 / 29 - 22:26
المحور: كتابات ساخرة
    

الجهل له ألف قناع، والصدق له وش واحد، وأحنا لسه فى جهلنا نتلون ونحكى ونتحاكى عن اللمحات الإنسانية لجناب الرئيس اللى مش هتفيد عاقل بشيء يمكن بس توسع وتبارك فى الجهل من يتبعه.. تكلم بالصدق حتى ترى جيدا.. انجز مشروعا بالعلم حتى نراك.!

دا العالم كله يتطور ويكتشف ويخترع، واحنا لسه بندور على بيضة منقوش عليها اسم الله ونبهر أنفسنا بها، هو الله محتاج اثبات قدرته على قشر البيض؟! وقشر البيض للأسف مصيره للزبالة.!

محتاجين نثبت قدرة الله للعالم بنا بالعلم بالاختراع بالاكتشاف،يا خير أمه، مش نثبته بالتدواى ببول الأبل وبفوائد الدقن فى الأثارة الجنسية.! يالسخرية، هو أنتم نسيتم أنكم أكتر شعوب الأرض ضربا للفياجرا المستوردة؟! طب صنعوها الأول فى ونشوف عليها"صنع فى مصر".!

يعنى هنسيب الأهم ولا هنقعد نعدد ونستفهم ونستغرب ونسأل،هو الشاطر ومرشده ماسكين حاجة على مرسى.؟! يا مرسى انت مش ملاحظ أنك أنت رئيس الجمهورية؟!

يبدو كدا أن مصر التى فى خاطرنا ليست هذه التى فى خاطر مرسى خالص..؟! وبلاش حد متفذلك يشدنا ناحية الدين.. وبأمر الدين قالوا إن لم الزبالة من الإيمان، طب الله يستركم سيبوا الايمان فى حاله.!

و لمينا الزبالة خلاص، طب فى مصانع بقى عشان تصنع من الزبالة دى اشى بلاستك وورق وصفيج وزجاج ووقود ووغاز وكهرباء.. وأيه تانى ممكن نطلعه من الزبالة؟ يعنى فى كم مصنع راح ينفتح ويفتح معه كم ألف بيت ويسد كم حنك مفتوح.!

كناسة مصر مش بالمقشة، دا يبقى بالعلم والتصنيع.. امتى أشوفك يا مصر مكنوسة من العفن والضمائر المتلونة وشوش الوطوايط اللى فى سقفك معششة.!

#محمد_طلعت (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل