جمال الشرقاوى
الحوار المتمدن-العدد: 3709 - 2012 / 4 / 26 - 14:23
المحور:
الادب والفن
إدَّللي كدة وإتمنعي
عيشي عمرك و اتمتعي
و لا جه ف بالِك بكرة جمالِك
هيغيب عنِك و هترجعي
لا انا هسأل عليكي بحيرة
و لا شوقي هيسمع سيرة
إدَّلِلي كدة و اتمنعي
حتىَ الحب كبرتي عليه
بعتي و لا انتي بتسألي فيه
كان لسة حبِّك مالي خيالي
و كنت عايش بحلف بيه
لا عُدت اسأل بغيرة
و لا هشتاق لعنوان جيرة
إدِّلِلي كدة و اتمنعي
إتعَجْبي بنفسِك و ابخلي
و قولي إن انتي القمر
و رايحة جاية اتعطري
إشقِي الليالي م السهر
و انا بكرة تداريني جزيرة
تنسِّيني حكاية مريرة
إدَّلِلي كدة و اتمنعي
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟