قصيدة مصر نايمة فى جرحها

جمال الشرقاوى

الحوار المتمدن-العدد: 3695 - 2012 / 4 / 11 - 11:24
المحور: الادب والفن
    

مصر نايمة ف جرحها
ف بير غريق ملوش قرار
دة الكل غنىَ بحبَّها
و عشانها ماتوا كتير ثوار
مصر واقفة لوحدها
بتهتف بتقول يا ولادى
شوفوا جرحى و قلبى بينادى
إتجمعوا بالحب سوىَ
دة سلاحنا مع أى أعادى
مصر نايمة ف جرحها
إتغيَّرت ليه عن زمان
دى فتنة دقت ع البيبان
صَرَختْ بصوت عالى قوي
قالت يا ولادى كفاية هوان
مصر غريقة ف دمَّها
مصر نايمة ف جرحها
ف بير غريق ملوش قرار
دة الكل غنىَ بحبَّها
و عشانها ماتوا كتير ثوار
مصر الدمعة ف خدَّها
قتلوها يوم يوم فرْحَهَا
حرقوا فستانها و قلبها
يا مصر ليكى يوم تقومى
و عيون الشمس نسدَّها
و تميل النسمة ف قلبها
و البسمة الخضرا فى أرضها
هتغني مصر و شعبها
و يغني نيلها و جوَّها
مصر فوق فوق شمسها
و أميل بالنجمة على عيونِك
أنا جايلك يا بلادى بفرحة
و أنام ف رموشك و جفونِك
و أشوفِك عاشقانى و سارحة
دى مصر زعيمة بفكرها
و هجيبلك مهرك و الشبكة
أمسحلك دمعك و أساكي
و ارويكى من دمع عيونى
يا قمر الدنيا انا بهواكى
و انا بعشق مصر و اضمَّها
مصر هتقوم من جرحها
و الليل هيطلعله النهار
دة الكل غنىَ بحبَّها
و عشانها ماتوا كتير ثوار
شوفى مصر يا دنيا و ضحكها

#جمال_الشرقاوى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل