جمال الشرقاوى
الحوار المتمدن-العدد: 3706 - 2012 / 4 / 23 - 22:43
المحور:
الادب والفن
لو فكرت تخون يا حبيبي
قولهالي كلمة و لا تخبيش
كلمة واحدة قولها خلاص
عوّدِت قلبي انه م يبكيش
دنا ياما قاسيت علشان حبيتك
و خاصمت الناس كلها و ناديتك
طمِّني و قول م تبكنيش
و ان كنت ناوي تقول و خلاص
أي كلام من غير إخلاص
أي كلام من غير إحساس
قول لكن م تعذبنيش
بس الأمل بكرة يداوينا
ف بكرة دايما بسمة عنينا
يا للي بتهجر و لا تعرفنيش
دنا ياما قاسيت علشان حبيتك
و خاصمت الناس كلها و ناديتك
طمِّني و قول م تبكنيش
م تخليش الجرح ف عيني
إنسان عايش جوة ظنوني
م تخليش أيامي الجاية
صعبة عليَّه و م تروقليش
قول الحقيقة دي مش خطيئة
قولها ف سنين قولها ف دقيقة
و ابعد عني م تسألنيش
دنا ياما قاسيت علشان حبيتك
و خاصمت الناس كلها و ناديتك
طمِّنى و قول م تبكنيش
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟