شدني الحنين وبس!

فاتن نور

الحوار المتمدن-العدد: 1080 - 2005 / 1 / 16 - 10:35
المحور: الادب والفن
    

شدني الحنين وبس!
مقطوعة شعبية تضامنية مع الأخ لطيف الساعدي


اي والله شدني وشدني الحنين جثير
وتاهت عيوني الما غفت
واختنكت الحسرة.. والدمعة صارت سرير
شدني الحنين لحيل امي وهلي
شدني وما رخى ،وصار حمله جبير
شدني ورماني وكلي انة الولي
بلّه من يمتة الولي ..
لبعيره ترجّى يكول..
راح اكلك هل مرة والله من عيني بلي؟
شدني الحنين وثوبي عليّه بليل
اكول بكومتي ياشط العرب
وبرعشة ضلوعي تصيح الروح يا كوة علي
مهضومه بزماني العاث بينه
صباحي يجي طويل ونحس..
من طوله سميته.. طنطل الليل
كلشي تنوحس..
حتى الربابة بين الجرح والجرح...
تزفلي باكة عرس من ويل،
وين صار العكِد؟
تصاوير خوتي وخواتي وين صاروا وين؟
مزيونة بحنيني لتراب الأحبة
مزيون كلمن يرتجف جفنة...
كلمن يونّس الروح وبساعده الزين
فدوى لمن يحن..
فدوى للشوك جانه جنه عشك
فدوى لهلنه بين حانة ومانة..
بين جبر وكسر غركانة بالدَين
ضيم الأمس بخيمة عرس..
واليوم ضيمه ...
اجانة مثل الشمس..
لاجنهة مكسوفة بحركة العين
دجلة يبقى نهر..
والفرات يضم الرفات..
من جثرة آلامه ،بس ما تردمه حفنة البين
خل ينهدم بيتي...
انهدت سنين الصبر..
وناحت جفوني الأثنين
وطاف الجمر وهل مرة لازم يحج..
بالبصرة بالكوفة بكربله..
بغبرة تراب العراق...
بماية الحلو وشينه
بيتي كومة رمل وجفة من ريحة الطين

فاتن نور

05/01/15

#فاتن_نور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل