نواطير او حراميّه

جواد القابجي

الحوار المتمدن-العدد: 3303 - 2011 / 3 / 12 - 20:34
المحور: الادب والفن
    

كلمن مَدْ إديه ويَّ الحراميّه
بريئه منَّه أُمَّتنه العراقيـــــه
*************
من الراس أبدي تريد .. يو لمْداس
من يفسَدْ الحاكم .. شمَّه من الراس
تلگه ريحته فايحه او كلَّه اخياس
والداير مداره كلها ســــــــــــفليّه
***********
اگول او ما أظن اهناك استثناء
الشعب يتلوَّه جوع او هُمَّه بستهزاء
الحصَّه وينها او لا كهربا لا ماء
ومن نتظاهر .. ايگولون بعثـيــَّــه
*****************
وزاره ابلا وزاره .. المهم نهب فلوس
شباب الوطن عاطل .. لو حچه مدسوس
والطالب ابحقَّه .. جاهل او مهووس
ونتوا امحاصص اعملتوهه دوريـــَّـــــــه
*************
كُفر طفرت احجاره .. بساحة التحرير
انسل سيف النذاله او بالبشر تطبير
حكومة وطن هذي .؟ او وين بينه اتسير
ابغابه اتگول ومســــــــــيطره الواويـَّــه
***********
المواطن دمَّه سال .. استخدم احجاره
شو گبَّوا على الأعزل ابطيّاره
ومو لعراقنه ظل ينتمي العاره
شلون اتريده مســـــــــــؤول الحراميّه
**************
الوادم بالتظاهر رادوا الاصلاح
چاوين الوعود او وين دمنه الساح
بعد التضحيه .. تشهر علينه اسلاح
هيچي اقبضنه من ثروت النفطيَّه ..؟؟؟
***************
بلا مستحه .. رِجعوا اولِبسوا زيتوني
هوَّه ثوبكم .. يصرخ .. لتنسوني
مثلما گبل .. جيتوا اليوم بگتوني
حرامي چان .!. شو صرتوا خمســـــميَّه
********************
[email protected]

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل