عاد بينه الفرقته الحزبيّه

جواد القابجي

الحوار المتمدن-العدد: 3298 - 2011 / 3 / 7 - 04:58
المحور: الادب والفن
    

گوم كسِّر قيدك او طگ اللحيم
وعلِّي صوتك حيل عالمافيّه
لا تظل خدران وتعوف اللئيم
إلعاد بينه الفرقته الحزبيـــــــَّــــــه
****************
گوم وتظاهر او إطلب ماتريد
مطلبك حق عالحكم تسديده
الشعب كلّه اوياك إنتَ مو وحيد
صير شوكه ابعينه المَد ايِييده
ردنه طَيْبَه مو حراميّه او عبيد
يو نذل يتنومس ابتهديده
ردنه قادة مجتمع صاغ اوسليم
مو حرامي او خايب ابماضيَّه
اوما نريد ابراسنه الصاير كريم
خيرنه للغير وحنه اشويـــَّـــــــــه
***************
گوم خل صوتك يلعلع بالسماء
گوم خل صوتك يرن ابكل أذان
بالسكوت .. النهب يو سفك الدماء
هاي عادة كل حرامي اوكل جبان
يريد منَّك وبد ما منَّه عطاء
غير بس الرعب عنده او لا أمان
صيح .. مايسكت على ظيمه الحليم
هذا حق .. بالعركه لو سلميَّه
رادوا ايرجعونه للعهد القديم
صمنه .. صمنه .. افطرنه عالجريـــَّــــــــــه
***********************
اختار تسكت ونتَ ما بين الضباع
بالنتيجة اشظل إلك كلشي يضيع
مثل مركب تايه اومابيه اشراع
يحيط بيك الموت والمشهد مريع
گوم كلمن خانك امسح بي الگاع
اخذ حقّك لا تخاف امن الوضيع
إنتَ مو غلطان .. ماشي مستقيم
قسمه عدله اتريد وبسلميَّه
مو حقوقك رايحه الإبن الزنيم
ونته تصبح غافي عالبرديـــَّـــــــــــه
*****************
صبرت ثمن اسنين تالي الصبر وين
گاموا ابلحمك ينهشون الربع
وحوش چنها كاسره او تنظر العين
همَّه بس يحچون ونته المستمع
اسكوتنه مافاد وخذونه لوين
بس مواعيد او دِمه او نذرف دمع
البعض بالتجويع والذلّه تهيم
تگول مرضه انفوس هالسفليـَّه
گوم يبني ابنهضتك تصبح كريم
تنقذ أهلك من هوه البعثيـــــَّــــــــــــــــــه
**********************
[email protected]

#جواد_القابجي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل