نقد سياسي في كتابة الأبوذية

جواد القابجي

الحوار المتمدن-العدد: 3253 - 2011 / 1 / 21 - 07:31
المحور: الادب والفن
    

*****
گلبي امن الهموم اثگال ++ منشال
بجيت ابيوم ظعن الولف ++ منشال
اهجست كل جسمي من فرگاه ++ منشال
وصحت ياهو اليرد ولفي إليَّه
***************
مدري وين گلبي راح ++ منهام
خفت منّه جثير ايحمَل ++ منهام
عذال او ملامه اوحسد ++ منهام
سبب كل العذاب الصار بيَّه
****************
تعبت اوحيل ما عندي ++ مناداي
صحت لا من سمع صوتي ++ مناداي
راح البيه جنت اروه ++ مناداي
وين انطي الوجه وشلون بيّه
*************
مزابل عفلق امراضه أو ++ طلابه
مثل الصبغ غشَّتنه او ++ طلابه
يعود البعث .. ربِّي اشهل ++ طلابه
او مقابرنه بعد لسّا خفيّه
**************
من يوم اللفانه ابن ++ صبحه
ليل ابلا گمر مابزغ ++ صبحه
بداها ابيوم عرس الحكم ++ صبحه
قدَّم روس صحبانه ضحيَّه
*************
كلامه ابلا وزن والحجي ++ فاشي
إجه منفوخ تالي طلع ++ فاشي
خبيث او مثل هتلر صار ++ فاشي
او طنَّخ راس كل اليعربيه
************
مو مشكل حجي البردان ++ والفار
وذاك ابساعة الجد شلع ++ والفار
محَّد گلّه آنه أحميك ++ والفار
گالوله تفضّل يالشفيَّه
*************
الشماته قتلته والقهر ++ ونعال
وبقه راس العراقي فوگ ++ ونعال
ألف لعنه اعله حزب البعث ++ ونعال
على راس اليئَيْده ابكل قضيّه
******************
زرع كل بيت فتنه او ++ ماتمنّه
ولا حقق الفلته ++ ماتمنّه
والله .. اوروح كلمن ++ ماتمنّه
لعناتي اعله گبره واهليّه
***************
إلك وسط الگلب مَرفه ++ ولك روح
وهيسك كلشي بحشايه ++ ولك روح
هذا الجبد مو يمَّك ++ ولك روح
فتحه او عاين اشعمليت بيَّه

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل