أبوذيات عراقية

جواد القابجي

الحوار المتمدن-العدد: 3151 - 2010 / 10 / 11 - 12:35
المحور: الادب والفن
    

گلبي للأحبه دوم +++ چلاب
لگشور النودّه انصير ++ چلاب
ميهمني حچي العذّال ++ وچلاب
تنبح خلها وآنه الصافي ليَّ
***************
گضيت العمر عالزينات ++ منكوب
يجيك القهر من فد كاس ++ منكوب
أدري إنته يخي سلمان ++ منكوب
(( بس آني عليل الغاضريه ))
*****************
ما ينفع تره اليبچون +++ ورميت
اوچبدتي امنلفراگ اعليك ++ ورميت
إلك ضحّيت
كل العمر +++ ورميت
إنتَ أول سهم وصوابه بيَّ
++++++++++++++++
جرحي من صديجي هاج +++ ودّه
گبل چان اشتياگه حيل +++ ودّه
هسَّه يشوفني ما شفت +++ ودّه
يغمضْ اعيونه .. ويغلِّس عليَّ
***********************
دارميات الختام

الأعتمد چنت اعليه +++ حسبالي زِلمه
من صارت الصعبات ++ سوّاهه ظلمه
******************
چاوينه ذاك الگال +++ آنه آني واني
شو من أكل ورتاح ++ تَف بالصواني
******************
مع تحيات القابجي جواد

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل