جواد القابجي
الحوار المتمدن-العدد: 3028 - 2010 / 6 / 8 - 09:37
المحور:
الادب والفن
ردّت الغيمه السوده .. رد اللعِب
كلشي حلال ايجوز .. حتى النهِب
**********
چاوينكم چاوين راح التعَب
وين البرامج وين راح الشعَب
چاوين حق الذي راح انتخَب
شو علكراسي مارثون او سَلِب
***********
سور العراق امْهدّد او يحتضِر
او جيرانّنا سلّت سيوف الغدِر
وموالنا راحت هباء او هَدِر
ونتم وره الأعداء يسري السرِب
***********
يرجال ساستنه التخيب المضن
شنهو الكراسي ؟ مو أهم الوطن ؟
من ألف لعنه على كرسي المحن
هذا الشعب .. كلنه إله ننتسِب
************
ندري الكراسي حلوه من تنعصِر
تستخرج افيون او خُلُقْ منحدِر
وشلون .. يعني الكرسي ماينكسِر ؟
اشبينه نسينه ابساع ذاك الچلب
*************
فضّوها ياساسه الوطن يشتعِل
والضيم مرنه ونتُم ابلا فعل
وستضعفتنه من وراكم نِعِل
بعض الضماير بس عملها .. حلِب
************
من ورا چم واحد حرامي وجشع
ظهرت ابواق البلعماله تشع
وتريدنه انعود الهذاك الوضع
لالا ألف لا .. للمرض نقترب
***************
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟