(( إنتخاب .. وخيبة ))

جواد القابجي

الحوار المتمدن-العدد: 2989 - 2010 / 4 / 28 - 02:21
المحور: الادب والفن
    

***********************

خاب الظن بعضهه ----- ونتخا بك
من غشَّك اورادك ------ ونتخابك
لچن ياشعب همتك ----- ونتخابك
رمى الارهاب ورداه المنيّه

*******************
ابضيج اصبحت ما أدري ----- ولَسْعه
بعد ماروح اصوتلهُم -------- ولَسْعه
چم شوغه شفت منهم ------ ولَسْعه
بعد هيهات للي غِدر بيَّ
*******************
دخنه اوما نعرفهه الغايه
او مدري البركه ابيا حبّايه
***********
شبچت تيَّهنه اومانعرف
عادت نفس الإيد التغرف
للفقره چا ياهو الينصف
ضعنه او ضاعت منَّه اهوايه
**********
گلنه انجدد بالتغيير
نختار او أبداً منحير
ناسِ طَيبه وعدهه ضمير
شو طلعوا تاليهَ اسبايه
**********
گلنه انشوف اعليمن ترسي
شو صارت عركه اعللكرسي
ياساستنه اشويّه حسِّي
سوَّيتوهه اعلينه روايــــــــــــــه
************
ناس الچانت بسمك تحجي
ماسمعولك لمَّن تشكي
ردُّولك بدموع او تبجي
صرنه اجرام او هُمَّه برايه
***********
لا عيب اوفشله او ماتخجل
بعض الگالوا إحنه الأفضل
ردَّوا ألعن ردَّوا أشطَن
شفنه اشگد من ذوله اهوايه
***********
السارق صايرلي رقيب
ثعلب لابس فروة ذيب
والطيِّب ما يلگه نصيب
اوشوف الدنيه اشبيها زوايــــــــــــــــــــه

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات