الى ولاة العراق

جواد القابجي

الحوار المتمدن-العدد: 3256 - 2011 / 1 / 24 - 20:19
المحور: الادب والفن
    

( تطبيق الشريعة .. وحرامية العهد الجديد )

انريد نحكم بالشريعه
احنه اهل بابل او أُور
(( لا ملاهي ..
او بار ماكو ..
اولا خمــــــــــــــــور.. ))
بس نخاف .. المخفي من بين السطور
إيصير تطبيق الشريعه ..؟
والحراميّه تسيطر عالأمور ..؟؟؟؟؟
***************
شفت واحد مرتبك .. يحچي .. او يشمُّر بالإدين
خايف ايسألونه ..
ملكَكْ هذا گول اشلون .؟. لو جايبه امنين ..؟
( من أين لكِ هذا ..؟؟؟؟؟ )
خاف باچر ..!!..
بعض مسؤولينه .. تمشي ابلا إدين .. !!
( السارق تقطع يده .. )
اوعدنه صاير عيب ..
مسؤول او چبير .. اومو حرامي ..!!
حتّه لو خرِّيج من جامعة الله ..
اوصار دكتوراه .. إمامي ..
ما يجوز .. إلاّ .. حرامي ..
**************
جان عدنه عهد مظلم
بيه ثقافه او إتِّحاد ..!!
راح ذاك العهد ..
گلنه ..
انفرجت اوصار المراد
شو عكس صارت
ثقافه والأدب ..
و حده سمُّوها كفُر
والثانيه صارت .. إلحاد
انشملت بقانون تطبيق الشريعه
امصدِّقه ابمجلس الزيدي
الصار والي اعله البلاد ..
***************
عين عوره على المجلس
عين ضد الإتحاد
العوره .. متشوف الحرامي
والمفتحه للجهاد .. امسنتره عالإتحاد
**************
( من أجل زيادة الأمية والجهل )
والعمل عار اوتفاهه
لازم انطور الجهاله
ابوسط مسطر .. عبوه نزرع
نحصد جيوش البطاله
عود عهد اجديد عدنه
گلنه راح الجان عاله
شو رجعنه العهد الأول .. ظلم وأميّه او ظلاله
**************
والقضاء اليستر الله
والمدارس للسجون
السجن للمشتبه بيهم .. موش للي يِقتْلون
اليقتل ايفجِّر .. ابمأمَن
البرلماني أله ايصون
يجوز يحتاجوه ثاني
********* خبره .. خرِّيج السجون
[email protected]

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل