جواد القابجي
الحوار المتمدن-العدد: 3269 - 2011 / 2 / 6 - 09:49
المحور:
الادب والفن
بسم الوطن هِب ياشعب وتراصف
ذوله اتقاسموك امحاصص امناصَف
**********
سؤالي الهل عمايم .. وين الله صار؟؟
لعب بعقولكم گولولي هالدولار ..؟؟
والمليون عيب .. ارسمتوا علمليار
حراميّه ابدمانه اتمصمُص .. او تلغَف
************
ملياراتنه يا ناس راحت وين ؟؟
وحنه اهل النفط .. والزرع والنهرين
ألف صاروا.. اوواحد چان ابن حسين
حراميّه او تَجدهم .. أوَّل ابكل صف
*************
قَرَب يوم النحاسب كل وغد خنزير
او مو بس مصر عدها ساحة التحرير
عدنه ارجال فوگ الموت جسر اتصير
والدم هذا لجل الوطن ماظِن جَف
***********
حراميه او أمام اعيوننّه تنهب
مابيكم شهم طيّب او يتعتَّب
ولا بيكم اللي لعراقنه يُنْسَب
او منكم مو بعيد إعراقنه ينظف
************
باچر كل مدينه او حايط اوكل دار
نعلِّق يافطة طردتكم او إنذار
ونكتب منع تدخل دارنه الأشرار
واللي باگنه .. امن اعراقنه يُحذف
************
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟