عاوز أغنى ليك يامصر..لكن مش عارف أغنى لمين..

فتحى غريب أبوغريب

الحوار المتمدن-العدد: 3178 - 2010 / 11 / 7 - 01:09
المحور: الادب والفن
    

عاوز أغنى ليك يامصر
لكن.. منا عارف أغنى
لمين بألضبط..

أغنى لنيلك,على الشطين ..
ولاد إبليس خرموا السلطه ..
والعفاريت الزرقه جم..
رصوه أسمنت..

أغنى لقمرك
أحلف إن ماحد فى بلدى شاف البدر..
أخر مره لقيته كان غرقان فى البحر..

أغنى لنهرك ,جاتوا ديابه كمان بلعوه
وجلدوا فيه الفجر..

وللا ..أغنى ترابك, للى باعوه
بألكيلو, لحد الطوب بقى بألرطل ..
وللا أغنى لشجرك,
دا لما عيدانه أشتدت
قلعوه قطعوه بألغصن..

يبقى أغنى لمين كدا بالظبط..

إيه رأيكوا..
لو أغنى لزالطه فى مالطه..
وأمشى بسطله زى الناس الهبله.
وأمسك مطوه ودف وصاجه.
وأنزل هبد ودب
وأقول أنا مطرب
بس ف شرب الخمره
وفن السب..
أو..أعمل كدا بلياتشو
أدوب فى الشهوه ..
وأدوب فى الحب..
وأمشى أزف كلاب ..
السلطه اللى باعوها
وحكموا علينا كمان بألنفى

لما يكون..
المثل الاعلى فى بلدى
للبلطجى والواد الصايع
والمحترم الهادى ..يبقى
وراه القاضى
أوإعلان الضبط..

يبقى أغنى لبكره فى عيدك
وأغنى لنيلك..
لما أنام غلبان..
عريان..جنب الشط


هل شربت المر مثلى ..وتلحفت السماء؟ هل بكيت بغير دمع ؟ونسيت أن اليوم يمضى بلا صباح ولامساء ..هل رأيت البدر يبكى..شاحبُ الوجه عليلا وماكان عندى وصفاً للدواء...قصيدى القادمه بثلات بحور..أرجوزه عبثيه... ستكون مكمله لتلك القصيده التى كتبتها بألشعر العامى المصرى ...

#فتحى_غريب_أبوغريب (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل