تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

هل تقبل أن يحكمنا البطرخانيه..بهذا الفكر؟ هذه عقيدتهم حين يملكون بلداً...

فتحى غريب

الحوار المتمدن-العدد: 3143 - 2010 / 10 / 3 - 01:15
المحور: الادب والفن

..
لف دور يابطرخان
فى النجوع والزوايا والحوارى والغيطان
بلغ الناس بألوكاله عن أرباب الزمان..
هادى فتوى منى ...بحلم وأريد.. يابطرخان,
مخ الرعيه.. ممسوك من الودان...
خللى كلمه موت بابطرخان ..
بغبغه متزينه.. وملفلفه بكفنين حنان

بص شوف يابطرخان
الحكومه والزعامه واخدانا.. لبوس..
بس لبوس طويل مليان أمان... هما
شالوا منا السنان.. وخلوا لينا اللسان
والقبه طربوش الممالك .
وإحنا فيها : بول وسالك..
لجل مانزيح الكراسى يابطرخان..
قول للرعايا..
مصر كانت ياما كانت ياماكان
خللى كل الناس تبغبغ بألكلام..
خللى كل الناس ماشيه تنام..
قاعده تنام ..نايمه تنام ..
بلغ الناس نيابه عن جنابى
الحريم من غير حقوق
والحريم دول عجينه م الشيطان
ومخنا كله كمان..
تفتحه تشوف.. المخاصى
والعيدان
بص شوف يابطرخان..
إللى يكتب فى مدحنا...
رقيه حصاوى أو حصان
ودخله الجنه كمان..
بلغه يموت أى موته ....
الحريم والقصر جاهز.... للى عاوز..

بص شوف يابطرخان...إللى يسأل مصر فين؟
قول بلاغ منى أنا....مرشد عظيم هذا الزمان..قال
مصر دبحوها الفرس... والبطالمه الرومان...
لو خبيث فهمك وقال: الاهرمات
قول أبوك السقا مات
كل طين ياواد.. وغمس بالسكات.
قول بناها قرود يهود..
والتاريخ مش راح يعود..
ـز حنى إشتراها....
جدك العرعور زمان
عاوز أشوف يابطرخان
شعر طالع من الذقون..
يشبهوا الجديان زمان
خللى كل الخلق رافعه للسما...
الحواجب والعيون
أحشروهم فى المساجد ..
إحشروهم فى الكنايس
إحشروهم فى المعابد
قول: وحدت ألرعايا ..جول ..مين أنا يابطرخان؟

هادى ... الصور والمسارح ,والصحافه
دول كفر من خلق جنيه وجان
تعليم وشغل نسوان حريم كمان ..داجنان..

وصيه ليك يابطرخان..
خللى بولى يشربوه
والبهايم ف المسا.. يتباركوا بيه
غرب وعلوم,أوحقوق للرعيه...
دى ملعون أبوها..
أدى فتوى مننا ..تتحرم كمان...
والاختلاط يابطرخان..
إمنعوه ..إالعنوه ...فى الشوارع والمدارس ,
لو همسه رافضه.. قالها واحد بألعناد
حلوا دمه ....قطعوه..
بس قولوا الله اكبر... وإدبحوه..

حد تانى ممكن يسألك يابطرخان
العروبه...
فى إيدينا طظ فيها..
بدنا نعود لزمن البهايم والخلفيه شخرمان
ناسها يابطرخان قطيع و ماتوا من زمان....

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل