بفش غلبى بألشعر الشعبى...لحكام مابعد التسعين فى بلاد الشرق...

فتحى غريب

الحوار المتمدن-العدد: 3139 - 2010 / 9 / 29 - 21:36
المحور: الادب والفن
    

فتحى غريب يكتب
بفش غلبى
ياليل العطالا ياليل الشجن
مضروب بشبشب حكومه
وغلبان ونايم مشنوق معلق
بحبل المعاش
يامصرى يضايع من الدروشه
ونازل ليلك نهارك علينا طراش
ياشله بتاكل عرقهم
قصور..وحراسه
وعايشه ياباشا بلاش فى بلاش
وأشكى لمين.. ياسيدنا الكبير
لكن انت غالى وعالى المعالى
وإيه راح يجيب حالك لحالى
ولسه بقولك سلامه
جنابك من الاندهاش
يامصر الغلابا,بلاش طرطره,
وبلاش إنتفاش...
تسعد ياسيدنا المعمر
يراكب فوق النفس
وإحنا نزمر
خمسه معارضه والفين حرس
ماهما البطانا وهما الونس
وبسك عليهم
تلقاه يلبك خمسين عصايا ,وبعدين رفص
ولو شدوا حبه حيمشوا
بجزمهم فوق الجثث
بحق فقير شعب مالطه..
ومجلس وصايته..
وحديده… وعصابته
بقيت من النهار ده..
عديم المواطنه..
وجانى زهايمر
وعذراً فإنى ماعدت اذكر
فريق الاكابر
بيحكم بعقله
ولا ببطنه
ياليل الغنواى فى كل حاجه
خص خص خصونا..وقاموا يبيعونا
أو يورثونا يامصرى إب بلاش
تسلم يافندى من الاندهاش
حقيقى سمعت جنابك
فوق البشر…
ومش ناوى موت..وفقرك دكر..
وباين عليه ياسيدى المعتق
وجعت ملامحك من الانتكاش

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل