من الشعر العامى..فى زمان النفاق الاعلامى .

فتحى غريب

الحوار المتمدن-العدد: 3141 - 2010 / 10 / 1 - 01:27
المحور: الادب والفن
    

زمان النفاق ,
بيختم شهاده لابليس مرافق..
فى حكم مالطا,وزمان حكم مالطا
عامل زلاطا... ورئيس إجتماع
وطابخ بطانه...فى سلق البطاطا ..
ويلعن ويشتم أبونا ..وجاب للمعارضه أكبر صداع.
مدير الجريده..فى قرع الكلام وسلق البطاطا..
كتب : حكم مالطا اللى زالطا ..
وجلاله.. اللى حاكم سيد البلاد..
وإن الشعوب شويه بواقى ...قطيع من الغنم أو شويه رعاع
وعمدان هبل فى شويه عبط
كتب العويل الف صفحه تنافق توافق.
حرنكش .. حقيقى جرنالجى واطى...
ومخه تخين وطول الصباع
يصلى ويسجد..وعمال بيحمد..
وقلمه تقول قوس منجد .. ..
فى كل زفه معاه رق طبله
ومزمار سودانى ينفخ.
.ويلعن فى يوم الوداع

يسوق الهبل فى العباطا..
كتب الف صفحه تنافق توافق.
يصلى ويسجد..ويركع ويحمد ,
مهو...إحنا القطيع العرب وهما السباع
تشوف الف يافطه منافقه.
داجرنالجى عالم ,
وواحد مثقف عاملى عالمه
بيرقص وماسك دماغ البتاع.
وفى حكم طاطا..وزمان عربطاطا ,
دساتير تنشف تعضم.... وترزى يفصل..
عشان الوراثه.. فى شرق الغروب اللى ضاع

حرنكش ... عرعور حقيقى وراجل بتاع
وفرقه حماده على الواحده جاهزه.
لكبير حكم طاطا .
فريق النفاق .
جرنال وشاشه وإذاعه
,بدون إجتماع
وكله منافع..بيصرف بدال إنتفاع ,
وكله مشمر عاوز يزمر
بس حرنكش هو اللى فيهم ,
عموده مزنهر
وديل النفاق ..يطفى ينور عشان البتاع
حرنكش معلم حقيقى وراجل بتاع
نايم بيشكر فى سيده الشجاع
قايم بيشكر فى سيده الشجاع
جلالته الملك... وفخامته زعيم.. وواحد ماشى كأنه الاله ..
وإحنا الشرق ... الرعيه.. الغلابا.. القطيع الجياع.
يافرقه حرنكش عيب إختشى... د....إحنا الغلابا وهما الضباع..والضياع
وعيب ياحرنكش ,ياراجل صباع..
دا يوم ماتسيب منصبك..
أو حتى يغور مُلك.. البتوع... والبتاع
حتلبس خازوق السكات
نهايته حديده بطول الدراع

وانا نفسى اكتب وانافق,واعمل شجاع
واكتب حلاوه .عربنا فى حكم البتوع و البتاع
بيافطه تملى الشوارع
وتلعن ابو شعب مالطه الكلاب الجياع
طرطر ياسيدنا..وإحنا علينا البلل والسماع
طرطر علينا ..نقول مطرت..بس بلاش إرتجاع
..
ولما يغور ...النظام اللى طرطر على شرقنا .
حطرطر ..عليه.... أو وراه..بألبتاع
عرب .. حكم طاطا.......أدينا إتورثنا
فطاطا الكبير ..وطاطا الفقير والغنى
وطاطا فى قاموس الهزيمه
اللى عمره مطاطا
شله مجالس .... منافق .ووافق
كله بيطرش كلامه
بحكمه حاكمه ... كان بلاش إجتماع
وأدى عم صابر سكن تربه فاضيه
فى زمان الضياع
وبرضه بيشكر سمو الكبير البتاع.
وكله عشان ,أمن مالطه اللى زالطه
ولكن الحقيقه دا أمن البتوع..و البتاع
وأدى عم بطه....شاف كل حاجه.
وشاف العروبه اللى مالطه... وماشيه بواسطه .. وحكم الدراع..
وانا غصب عنى..مولود مغفل..
وياما..قالولى خليك منافق ..وبلاش ياغريب إندفاع

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل