نريد ( الدجاجة ) بعهدك تصير هي تلحق الواوي

سعاد الفضلي

الحوار المتمدن-العدد: 2940 - 2010 / 3 / 10 - 16:43
المحور: الادب والفن
    

نريد ( الدجاجة ) بعهدك تصير هي تلحق الواوي

ودعنا وقت الشغب وما نريد كل هوسات
وأهلا بيك علاوي
شعبك يريد الذي ينتشله من كل ضيم
ولجْروحه يداوي
يبني لهل البلد مفخرة لأجيال
و للحرب مو هاوي
شعبك شبع هموم والآم وهوايه حسرات
وهو يريد الفرح
وعالحزن مو ناوي
نريد ( الدجاجة ) بعهدك تصير
ما تخاف من شرذمة
هي تلحق الواوي
حتى البطل لو طاله الضيم وانهار
وخيم عليه الظلم غارات
ترى فلسين ميساوي
وما نريد يرجع بعد عهدْ الحكم بالنار
و لا حكمك يا مهداوي
خلي المساجد والكنائس ومضايف أهل الخير تشب لمبات
مو كهربا وماي بالتنقيط والاقساط
لكن يكون البلد بالخيرات ضاوي
وعزمك يا الشعب مطلوب مو هوسات
مو تصفيق وغناوي
شد العزم وابني عراق اليوم
شعبك ترى رشحك لاسباب مو هينات
وخله يظل دوم بيك متِغاوي
وكلنا عشم يا الربع ياهل الكرم واعمالكم طيبات
بترحيب فضلاوي
مو بس حدود البلد يعم الفرح ياناس
نحنه نريد ويه الأهل نضمد جراحات
بتشجيع عرباوي

وسلامتكم
د.سعاد الفضلي
9/3 /2010
.

#سعاد_الفضلي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل