المرأه القرويه

جهاد علاونه

الحوار المتمدن-العدد: 2911 - 2010 / 2 / 8 - 18:07
المحور: كتابات ساخرة
    

إحدى أهم وأبرز صفات المرأة القرويه أول شيء عدم الانسجام مع متطلبات المجتمع المدني وتعتبر فوق كل هذا أن تقصير الملابس أو لبس البنطال كفر وغالباً ما تكون جالسه أمام زوجها وكأنها في محطة قيطارات أو سيارات بتكون متشنجه جداً وعيونها مفتوحات على الآخر .
حياة المواطن العربي داخل الأسره تعمل على تقصير العمر ,والكل هنا مضغوط عصبياً , الأم, الأب , الولد, البنت, الأخ, الأخت , وكل الأسر تعج بمصطلحات تبعث على روح التقزز والقرف من الحياة , حتى الأسر الميسورة مالياً تجد فيها ضغوطات عصبية تدفع بالجميع إلى استخدام عبارات غير مرغوب فيها أثناء اعداد الطعام أو طلب الطعام أو طلب النوم أو عند اللجوء إلى فرشة(سرير) النوم .

ويتقدم الولد هنا من أمه منادياً لها بكلمة (يمه) بدل كلمة ماما أو (يا أمي) , وذلك على حسب ما اعتاد عليه الفلاحون من نداءات في لغتهم منحوتة لغوياً :
الولد: يمه...يمه ..يا يمه .

الأم: انشا الله تيجيك الحُمه, ريتها أطب بيك الحمه مالك يا قابر أمك وابوك وكل أهلك وكل قرايبك .

الولد: ول ..بَل ..ليش ؟.

الأم: ول على الشيطان ..شو مالك؟يا إمسخمط ريتك انشا الله يصبح عليك الصبح وانت بلا أب وبلا أم الله ريتكوا تقبروني كلكوا انت وخوتك بجاه النبي محمد.

الولد : بدي أوكل .
طبعاً ترد الأم بكلمة واحدة وهي نداء ودعاء وتمني حُذفت منها أدوات النداء .

الأم: آكولة جدي ..

الأب: شو في ؟

الأم: انت خليك في حالك .انت ابتدري عن الدار شو فيها ؟ انت وولادك ما ابتعرفونيش غير بس بدكوا توكلوا أو تشربوا أو (تتجهنموا ) ,وولادك كلهم طالعين ليك , وانت بس بالليل بصير حبيبتك وغاليه عليك , وهسع كمان إشويه بصير السانك ماضي وطوله شبرين مثل مقص الإسكافي.

الأب : يا مره هو الولد شو قال ؟

الولد: قلت بدي أوكل .

الأب: أها أها ..يعني ما قال إشي غلط ,ومش حاكي أي شي تزعلي منه .

الأم: ما حطينا الأكل قبل اشويه ليش ما أجا يتسمم ويطفح زيه زي أخوته .

الأب: عاد ما كانش جيعان , وهسع الولد جاع .

وأثناء إعداد وتحضير الطعام والانتهاء منه يقول الولد:
الولد: يمه ..يمه .

الأم طبعاً ترد بكلمه واحده وهي نداء تمني داعية لله

الأم: حمه ..انشا الله تيجيك الحُمه, من عند ربك .. شو بدك؟
الولد: بدي أنام .

الأم: نومة جدي أبقبره (في قبره).

الأب: شو في ؟ مالك ابتدعي على الولد كل ما طلب أي إشي؟.

الأم: انت خليك في حالك , انشا الله ريته ينام مثل نومه (أهل دابو) ناموا ما بيهم إشي طلعوا الصبح يحبوا على إيديهم حبي .

الأب : يعني قصدي ينشلوا شلل نصفي أو شلل أطفال أو المقصود يجيهم كساح ..وبعدين ليش أظلني في حالي بعدين خليك لطيفه وفكي كشرتك وعبوسك مالي المكان تشاؤوم أكثر من تشاؤم الفلاسفه ؟ شوفي النسوان المدنيات بس الوحده يطلب منها ابنها أي إشي أو حتى جوزها , بس يجي جوزها على البيت وتشعر في جوزها إنه جوعان فوراً ابتحكيله :

جوعان إبن عمي , وبتكون كلها دلع وغنج ...تشكل آسي إبن عمي ..وي على آمتي يا ابن عمي ..تيجيني حُمه أبن عمي وبتلاقيها تمشي هون وهناك وتميل بخصرها وتدلع في مشيتها وحركاتها كلها بتكون على بعضها عباره عن أنثى , أما مثلكن يا الفلاحات في حياتي ما شفت , بفوت الواحد على الدار وبكون مبسوط ولكن فوراً ابتقفن للواحد على باب الدار مثل العكسر والحراميه وبعدين بدل ما تضحكي وتبتسمي في وجه جوزك فوراً قبل ما يشلح كندرته من إجره بتقوليله : أجيت وألله جابك أخذ كيس لزباله وروح زته(كبه) برى بالحاويه, أما المرأه المدنيه بتلاقي جوزها بابتسامه شفافه وملابس فضفاضه وتسريحة شعر خلاف شكل , أي هو سعيد صالح في مسرحية العيال كبرت ما كانش غلطان بس قال لأمه (كريمه مختار) هو الرجل بهرب من بيته من إشي قليل ..خليك ست مُلعب ْ؟!.

الأم: انشا الله تلعب اللعبه على اسنانك انت وولادك ماشي ؟ أيوه هذا اللي انتوا شاطرين وفالحين فيه بس بالتعليق وبس ..ليش ما تتجوزوا مدنيات ؟ليش أخذتني ؟
الأب : لالا أنت الآن صيري مدنيه واحكي بلطافه , وليش ما اتصيري وحده مدنيه شو ناقصك ؟إحكيلي شو ناقصك؟ بس إشوية تغييرات في الشكل الخارجي وخلع الحجاب واللبس على آخر موضه , والكلام الناعم بصير يطلع منك لوحده وبتصيري برنسيسه ورائحتك عطر وياسمين , وكمان بحاجه لأن تنسي بعض قصص التراث عن المرأة والرجل والشيطان اللي دائماً حاشر حاله بالنص وأنا مش عارف من وين بتجيبي أحاديثك المدسوسه على المجتمع المدني دس , أنا مش عارف ليش الشيطان دائماً حاشر حاله بين المواطن العربي والمرأة تبعته أو بين الرجل والمرأه؟! يمكن يكون شريك ليهم في حياتهم أو ميراثهم من آباءهم وأجدادهم , على كل حال الشيطان هذا شيليه من عبك (صدرك) وانسي موضوعه على الخالص وصدقيني رايحه اتصيري أحلى ست بالدنيا وراح الله يوم القيامه يدخلك أوسع جناته عشانك أصبحت امرأة مدنيه , انت مثل ما حكيتلك مش ناقصك أي شيء , امبارح اسمعتك تحكي للولد بس قال بدي أروح مع (أبوي) بو, ومش عارف كيف ابتنكتب أو كيف بكتبوها بس فعلاً حكيتيله كلمة (بَوْ) وهذه دعوه مش مليحه وكمان إذا قال الولد : بدي أروح , فوراً ابتحكيله : تروح والكلاب ما إتذوقك, وكمان بس ابنك يطلب منك يطلع مشوار ابتحكيله (تطلع ما ترجع), وأنا جوزك بس أطلبك للفراش وللعشره بتقولي : انت الشيطان دائماً راكبك , انت ملبوس بالجن وبالشياطين , مش معقول كل يوم بدك إياني , انت شيلي كل هذه التصرفات من راسك والشيطان حطيه على جنب وما فيش لا جن ولا شياطين, وفي شهر رمضان ابتقلبيلنا الدار مطعم أكل وشرب وطبخ ونفخ ومصروفات زائده علماً انك بتصومي على شان ما تاكليش بس في شهر رمضان بزيد أكلك وشربك زياده عن كل الأشهر وكمان مصروف البيت من كل النواحي بزداد زياده ملحوظه ,وأيضاً ابتقلبيلنا البيت إلى مسرح ديني ودروس وعبر وإذا الواحد اشتهى الجلوس بجنبك بتصيري اتقولي : استغفرُ الله العلي العظيم من كل ذنبٍ عظيم , وبتصيري تفتي وتقولي هذا حرام وهذا حلال وانت بحياتك ما فتحت كتاب وقرأتيه ولا حتى بحياتك قرأت القرآن ومع ذلك بتصيري تحكي وتقولي إنه هذا حرام وهذا حلال , أي والله إني إزهقت عيشتي من ورى الشافعي وأبو حنيفه , صدقيني إنهم الصحابه كانوا في شهر رمضان يقبلون نساءهم وكانوا (يفخذون), ومش كلهم بس في منهم كانوا هيك وراجعي كتب التراث وشوفيها , حتى بنتك الصغيره بس تسمعيها اتغني بتقومي وبتضربيها قال ليش ؟ عشانه حرام .
الزوجه: انت شو بدك بنتي تطلع زي هيفا وهبي أو نانسي ؟أي والله بخنقها قبل هذاك اليوم ما يجي , انت مثل ما بقلك الشيطان راكبك ومتلبسك تلبس الله بريء منك
يا زلمه إلى يوم الدين.


الأب: وليش لأ , وحتى كمان فنياً ليش ما يكونن أحسن من هيفا ونانسي وحتى كمان أم كلثوم , ويا ريت يجي يوم وأشوف بنتي بتغني مش آه ونص , لا, آه وآه ونصين أو ثلاث أنصاص.

#جهاد_علاونه (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل