يا الله لا اتنجح إولادي

جهاد علاونه

الحوار المتمدن-العدد: 2657 - 2009 / 5 / 25 - 07:59
المحور: كتابات ساخرة
    

غداً هي نتائج إمتحانات الثانوية العامة وإذا نجحت إبنة صاحبي فهذا يعني أنه أمام كارثة حقيقية , حتى أنه كان يدعو الله دائماً كي لا يتوفق أبناءه , لأنه تعلم درساً قاسياً من نجاح إبنه الأول وبنته الأولى .

الدر القاسي يكمن في رجل من المجتمع العربي (مهيته) راتبه الشهري على قد حاله , يعني مش هذاك الدخل دخله , يعني مثل ما بحكوا المصريين بأمثالهم الحلوة (يا دوب ينور) حتى ولا يا دوب يا نور , عشانه أصلاً ما بطلعش أي لامع يبرق نهائياً .

على أي حال صاحبنا في بداية حياته ومشواره كان دائماً ما ينبسط(يسطهج) على الآخر إذا حدى حكاله : روح الله إيوفق أولادك,أو كانت السعادة تغمره وتغمر وجهه إذا حدى دعاله بالخير , إله ولأولاده, بس مثل ما حكينا تلقى درس قاسي جداًمن نجاحات أولاده , واليوم هو يكره هذا الدعاء وبحكي , ياناس مشان الله لا حدى يدعيلي أنا وولادي إيوفقنا , بكره إذا نجحوا بتغلب أنا بدراستهم .

الأول كانت نتيجته بالثانوية العامه من الأوائل وكمان بنته لا تقل شطاره عن شقيقها كمان كانت من الأوائل , وتكلف الأب المسكين في سبيل تدريسهم مبالغ طائلة جداً حتى أن جميع البنوك بفروعها تعرفه وتعرف حجم المديونية التي عليه , أما جاره العزيز فإن الله لم يوفق أبناءه لذلك فهو مرتاح جداً من هذه الناحية , إبنه الأول عمل نجاراً وصار يصرف على نفسه وبنته رسبت في الثانوية العامة وتزوجت من زوج قريب لأمها , يعني الحال عال العال(والإشيا معدن والفلوس جاريه في إديهم) وما فيش داعي للقلق .

دع القلق وابدأ الحياة , هذا إذا كانت نتائج الأولاد سيئة جداً , النتيجته سيئة جداً بريح أهله وما بهكلوا همه , إلبنت بنظرهم بدها إتروح على دار زوجها (جوزها) فلويش تدرس ؟, حتى إذا درست شو بدها إتصير ؟ لو صارت وزيره خيرها لزوجها وشرها لإهلها .

هيك نظرت الناس والعرب بالذات , والبنت إللي ما بتجيبش معدل في الثانوية العامة بتكون عبارة عن شيء عظيم ومريح للأهل , وكذلك الأولاد جميعاً ذكوراً وإناثاً .
صيقي يقول لي :
والله يا أبو علي إني من الصبح بصحى من النوم وبقول يا الله إلسنه هاي بنتي ترسب بالثانوية العامة .
يارب إبني إلسنه هاي يرسب بالتوجيهي .
يا رب إللي بالجامعه يعمله عمله مش إكويسه ويكحشوه من الدراسه .
بس شو بدي أساوي , بقعد بيني وبين نفسي وبقول : والله حرام ..والله حرام ..هاي المعدلات العالية جداً ما تدخلش جامعه, بقولوها وأنا تكادُ الدمعة أن تسقط مني , ما في أب ما بحبش ألله يوفق أولاده , بس المشكله إنه إذا ألله بوفقهم , بهلكني أنا , همه بتوفقوا وانا بهلك وبنخرب بيتي .
هذا الكبير الله إيوفقه ويسامحه , بعت كلشي على شانه , كان وما زال شاطر جداً , طيب بس أنا شو ذنبي هو يصير شاطر وأنا أصير مديون , ليش التعليم هندنا ما يكون في تخفيضات عالية جداً , إحنا من وين بدنا إنجيبلهم .

ما في أب ما بحبش بنته إتكون متعلمة وتحصل على شهادة عالية وتتزوج زوج محترم ومثقف وبحبها وبتحبه , بس والله العظيم من (غُلبي) من الغلب إللي أنا فيه بحكي هيك , يا رجل صدقني صارلي 12(إثنعشر سنه) إثنى عشر عاماً , وأنا من مصيبه إلى مصيبه , عفواً آسف , بقصد صارلي 12 إثنعشر سنه من جامعة إلى جامعة ومن تخصص إلى تخصص, إشي بهلك , والله إنهم هلكوني وكسروا ظهري (أطموا وسطي) , أنا بتعب أكثر منهم , وبعرف كل واحد شو بصرف كل يوم وبتابع الكتب والدوسيات المقررات على أبنائي , بعرفها أكثر من الطلاب أنفسهم , عشاني كل يوم من مكتبه إلى مكتبه ومن شارع إلى شارع , ويا وقعت إللي ما إتخلص .
شو بدك إبطولة السيره, إشي بزهق , وحياه كلها قرف وآخر دعوى الناس : أنه الحمد لله رب العالمين , بس أنا بقول يا ألله بنتي الزغيره(الصغيره) إلسنه هاي ترسب وتسقط ويا ألله لا إتنجحها , على شان ما أتغلبش في نجاحها .

كمان في بعض عائلات عندنا بناتهم لا يمكن يتزوجوا إذا ما كان معاهن شهادة , يعني جمالهن على قد حاله, إذا الشاب ما طمعش بالجمال بطمع بالشهادة , إللي مش حلوه بتدرس وبتشتغل وبتصير حلوه , وهيك بتتزوج , بس والله إشي بخلي الواحد ينقهر , شو بدنا إنساوي في هذي الحياة ؟

#جهاد_علاونه (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل