ورده حمره على باب العام الجديد

رحيم الغالبي

الحوار المتمدن-العدد: 2147 - 2008 / 1 / 1 - 09:38
المحور: الادب والفن
    

الى العام الجديد
توّك كاعد من النوم -وجهك ممتلي اورود وحمامات
نزل افق السمه اعله البيت
جي بيه انته... وكل عشكنه القات
حرامات.............
تمر هاي السنين .. واتكلب
بين المات والمامات
حراماااااااااااااات
حرامات
السنين تروح جن تلعب علينه
بكل عمرنه الفات
اليله (واحد –واحد ) ياسنته
انسجل باعمارنه كل الخسارات
لاحفلة تلم خلان..
بس خذلان..
لاحفله..تلم اخوان
اسمع (يافرات *....!)
اليله عدنه بحفل عامنه كلشي جديد الدنيه رادوها مطر
بس قاذفات..!!
ايخسون ..احنه ....السنين العدنه
كلها أمؤرخات
غصن زيتون
وحمامه
وضحكة ابني
او وردة من الزوجه
تمحي :الكا ئنات
.......
.....
...
الكلب *مات
خله كل خنزير يلعب..بعده
بالديره..ويسوي الفاينات
الكلب مات
.....
طشن اورود و محبه
أفهن اعله الكمر
والنجمه البعيدة
ذبن اكصايبجن اعله الجرف
بللن من مايه طرف الثوب
اركصن
اتلكن العام الجديد......
يا وطن حر وشعب ردنه سعيد
يا....وطن حر
وشعب
ردتك سعيد
_________________________________
*فرات المحسن اليساري و رفيق العمرالطويل

#رحيم_الغالبي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل