رحيم الغالبي
الحوار المتمدن-العدد: 2094 - 2007 / 11 / 9 - 09:48
المحور:
الادب والفن
–بوسه مني
بوسه مني وضحكه منك
يمتد الافق بلون وردي
ماشفت مره بحياتك
توفي وعدي ...
طاح ثلج الله على اجبال البلاد..
وناشف الها ا ليوم نهري
وشلت صخرة سييزيف
البعث واشلون صخره
لحد الان بعد آلام ظهري ...
صخره كسرت ظهر كل الوطن
لليوم
آثار الدماء ...آثار كل مسخ الحقايق والثقافه
والاصعب الانسان مسخوا منه الوان ونماذج
وانته تكول :
اشبيك ضايج ؟؟؟؟؟
موكفر تكتل عكارب بس يظل يمك ذنبها
بوسه وبوسه منك
خطوه مني وخطوه منك
انحاسب التاريخ عن الازمه هاي
ومن سببها؟
غير تجار السياسه :
اللابسه برقع الاسلام وقناع الوطنيه
شلون بيّ
لاتكول اشبيك يل ما شفت
مثلي الاذيه
اشلون بي ؟
الافاعي يقدموهه للوطن جن مزهريه
شلون بي ؟
اليميني يصير فلسفة اليساري
وهو يدعو وبيه حل للقضيه ؟
اشلون بيك ؟
.....واشلون بيّ
#رحيم_الغالبي (هاشتاغ)
كيف تدعم-ين الحوار المتمدن واليسار والعلمانية
على الانترنت؟