وين ثوب العيد الاحمر؟(قصيدة نثرشعبي )

رحيم الغالبي

الحوار المتمدن-العدد: 2069 - 2007 / 10 / 15 - 11:52
المحور: الادب والفن
    

لاتحجي حجاياتك جبيره - عليك اتطيح - فوك الراس - لاتكبر جذب مفضوح يم الناس -
النهر :بالليل من تشعل اشموعك ....خلي بصوانيك غصن ياس – وشمع وحجايه عدله تريح كلب انسا ن -
صدكني :الغصن والصينيه بستان -..تلكاها الصبح يم الجرف- خضره امورده بالجوري والريحان
تلكاها الصبح كبل الشمس غبشه - تبوس اخدود طفله بصباح العيد -ولو مامر على ابلادي سنين اطوال ...حيل بعيده مامر عيد ..الا ومراجيحه حبال اتشبك الرجيلن -وحجاره تسد حلك الضحك - ردنه من السنين المرت - الشمس تدخل جنط اطفالنا – تطرد الخوف المدري امنين اجانه بكل شارع عراقي – ايوزع فحم بدل جكليت - للافراح والاعراس - وايجيب اللطم والثوب الاسود وي غده العباس * - هم ترجع طقولتنه ؟ مثل بستان تفاح ونطش افلونسه بوجه الشمس -كد الفرح ومباوس امي -وجارتي...وصحباني -كل بوسه اشوفن شارع اهلي -وديرتي , جنها قدح مملي بخمرتي وكل حسرتي ابساط -وابطول امناره اهمومي اليوم
تتمتد كل عمر خسراني امنين اجيت ؟ المن رحت ؟ سبعين عام اشراعك ابشاطي المحبه - رغم كل جوية جمرتك -عيب عفتك هرش شجرة رارنجيه
كام الورك عالي اويه النخل - كل احجايه من تكبر عليك تصير صخره اتطيح وي هز الثمر ..هز الكمر -ياعيني هذا العيد و وينك يابو ( ثوب الاحمر ) والشامه نيشان التضوي بكبري طول الزمن...وينك مو جم عيد اجه...وينك

#رحيم_الغالبي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات