تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

فنجان تايه (قصيدة نثرشعبي تجربه ج2)

رحيم الغالبي

الحوار المتمدن-العدد: 2046 - 2007 / 9 / 22 - 10:35
المحور: الادب والفن

(من شخص توئم في قصة محمود يعقوب المبدع -شخصية = تايه= المنشوره هنا لمحمود ولتايه وللخطيبين في موقع الحوارالمتمدن ...هديتي..من الشطره )
=كهوه من فنجان تايه =

اول تجربه لقصيدة نثر شعبي
(كهوه من فنجان تايه ) نص :رحيم الغالبي
20 -9-2007-

بين الطير والصياد – عداوة عمر ..ماتكضي –
شبجه –فاله –زهر – واسهام
وايام التشك بالشمس من تطلع..—مناره مذهبه ورايات ماتنفع – اذا نكس عراقي الراس ...كص راس النخل جي يعله بالسعفات –مدفع لو علت نخلاتنا الخضره الجنوبيه بعلو السياب .مطرن كتب ابني من قره السياب –وسكرت انه برشدي العامل الظل بالبيت ما فك باب.(جذاب دولبني *الوكت بمحبتك جي ..ذاب –جي ذاب مثل قطعة ذهب حطوها بالتيزاب-
تايه...جان خيط اليلو يلزك بالسوالف دوم بهدومي وهواجس فكري التعبان
يتصور بنص تموز تمطرغيومي – مطرت عكس
من الكاع – كلها وطاحن انجومي – المن بعد وتأومي؟ ونجوم الظهرتنشاف من كد : ما اشيل آلام –ردت الافقق يتدنه المدينتنه ....واشوفن ما وره الدنيه _مدن محروكه –تاكل كل بشرها انيابها اذياب....مدن محروكه بين الناس . والانهار :تركض بالجثث والروس والازهار والدم _ حايط عمري يتهدم غصن نبته انكطع من جذعه
وراس طفله وشرايطها الحمر ملفوفه توهه كبل ما تروح للمدرسه -طيره ترف بصفها ابين الطيور الطالبات ولعبهن بالفرص من دك الجرس بالساحه - دكت بيه دكات النذل –من يشتل البارود –سندانة ورد بالعتبه
وجنح الطير من ينكسر – يظل ايخازر اطيور التشيله ..وين اكو اطيور؟مثل فانوس الطفه ومكسور جامه –ولج روحي عراقي من الجنوب من –ربع خالد زكي وسلام عادل من ربع شمران يوسف من ربع زينب –معيدي من الهور حافي اعثر بلبس النعال –جن لابسلي (صداميبعث )
التاريخ ضم اوراقه بيها سنينك بتنور , طين ومبني جوه المطر بس النجمه تخزر كل ورق بيه سر- يمارك (ياحبيبي ) معيدي من الهور –من (الزوره) ثلاثه احنه –وهم بالستين وديناهم جنايز -
لوما النهر ماظل للجسر قيمه – لوما السيف جا عاشت ركبتي سنين –تتشمت الظلمه –غيمت دنياك
بين الظلمه والغيم :سر مكشوف.... ومامعروف . مشكلة العمر من الزغر انته –ولاحليت بي احبال متخلبصه
وظل راس الحبل موجود .يا تايه ...بس تيهته – ياتايه -.بس ملتاف وي جذر العمر – والسنين ونجوم الطفت يوم السمه اتغيم ..ضاع الممشه وين اتروح – غيم وغطه كل نجم اليدليك...وسفه -تظل كل العمرتايه؟
اريدن..........اريدن كهوه من فنجانك المعروف بين السلف فنجانك التاريخ تايه – اريدك
دوره للسكان ...لشراععك الكابل (رشدي العامل )
= اتعبتني ايها المتهب
=اين ما تذهب بي اذهب
=انت شراع هائم في السرى وانا المركب =*
تايه والمدينه اتور
مظفر كال يا تايه ___ومثل فرة الفنجان بيدك حلوه-كهوة المره ....صارت :-
كل اسنيني اليوم مره ودومي تايه
20 -6-2007 رحيم الغالبي

#رحيم_الغالبي (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل