حلم عراقي ياسيزييف-نثرشعريشعبي

رحيم الغالبي

الحوار المتمدن-العدد: 2101 - 2007 / 11 / 16 - 09:55
المحور: الادب والفن
    

نومي الطعم –من ظكتك –بس كلش حلو سولفت وي الناس –طبعك اخذ كل نومي وحياتي
--المرت بكل ضيم لاجلك –ماكلت : آآآ خ ودست كل بسمار
وشلت صخرة (سيزيف) بقوه بمتوني - بجت قمة جبل تاريخ عمري -والسفح حزنان
اجانه اللي نريده وضاع شص بخيط – جم مره يضيع الشص بخيط ونرد للبيت تعبانين
انت الزين بعيوني وحلاتك عله طول الافق ممدوده السمه الزركه – من سبعين عام -- اتحملت فركه ورحيل اسنين ...كسر قفله قهر مفتاحنه
ترسنه اقداحنه للنص –بجينه اعليها - اغيوم يابو اغيوم – ما مطرت..-مامطرت
تركنه للخلف حلوات اغانينه –
صلينه
صمنه
زكينه
بس للحج -يم الكعبه – حلفنه اخلاف اسامينه جذر شجرة اسلام سمينه
ذبحوا كل طفل – كل ام –كل ورده بغصنها - كل نخله خذوا جمارها -وكل شجرة الياس
وذبوا ملح فوك الشربت البيه تغنينه (لا خبر لاجفيه لا ...شربت )
طشت كل طيور الماي من خوف الشبج –والماي كله امزوهر ..ومسموم
يمته اتكوم ؟؟؟
ياسيزييف ملينه الصحاري والجزر
والهور والتزييف و وعود الحجي الوردي ..ونفاخة طفل كل كلمه احس يم نار
لاتطفه تطك ...توووووو -احس نهر الفرات و دجله يمشن للشمال –وللجنوب اتظل فرد نطفه –من نسل البعج * والحارباك اسنين
احس الطين كام ايخاف من الماي من النهر من جرفه شفت - روجات عكس الماي بس تبقه نجومك للصبح تضوي اذا تطفه

#رحيم_الغالبي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل