موجوع حيل

محمد سيف المفتي

الحوار المتمدن-العدد: 5153 - 2016 / 5 / 5 - 15:56
المحور: حقوق الانسان
    

موجوع حيل و بالجلفي
محمد سيف المفتي 05.05.2016
___________________
آني ابن الكاع الطاهرة الزكية
كاره صدام و كاره بوسه الجندي للبساطيل الامريكية
عاشك و منتظر طيفكم يمر بسماي، غساي لا نتظرتكم ولا مريتم بيّ
علقم طعكم، خليتونا نتحسر على مرورة البعثية
العراقي مشروع دائم للاستشهاد، ثقفوني.. ليش يا ولد العفلقية
اجيتو و يا هلا بهل الجية، و منو ما يرحب بابطال المعارضة العراقية
عمي الف الحمد لله على السلامة، راح تخلصونا من العنجهية
اشو كمتو تكتلونا على الهوية، زين.. وين يروح اللي امه مسيحية
يا الله، وما يخالف كلنا.. خللي نخضر العراق و نسكي اشجارا بدمانا الزكية
يا جماعة..أشو العراق ذبل و اصفرت اوراقه؟ قلتم هذولا جلاوزة البعثية
يا جماعة يا بجاه الله عليكم، العراق سداح مداح و تقطعت اوصاله، على يد الداعشية
قلتم هذا حزب العودة.. يريد يعيد اصحاب فكرة الانقلابية
يا عمي عدكم جيش و الف ميليشيا و الناس محتركة بنار الطائفية.
جان عدنا جيش واحد، وطن واحد، قلب واحد .. بس الحكومة دكتاتورية
صرنا بكل طرف دكتاورية و رجعية مطبوخة بشوية مذهبية...
بجينا، و بجينا و ما برد حنين اللي بينا
يا جماعة أخاف لا سامح الله تصفية حسابات و معلومات رقمية؟
اعوذ بالله صرختم، ليش ما تعرفنا احنا ابطال الخدمة الجهادية
و يوم القائد الشيعي و السني اختلفوا ببغداد، آلاف طاحوا .. و الكل تصيح شعليه
وبعد اسبوع تفاهمتم و كل شي انطفى، و راحو فدوتكم ولد الخايبة بالشوارع العراقي.
مولانا العراقيين بالشوارع ينذبحون، بس يريدون يخلصون من هل البلية
خير يا قائدنا شني القضية؟ لا يا مواطن.. هذا النظام السابق راد يطب عليه
الرجال ترست الشوارع من بغداد، حلة ، سماوة كربلا و البصرة.. تكلي كلهم بعثية
والله لا أنعل ابوكم لا أبو البعث. لا ابو الجابكم عليه
ادور على شريف بتفك، اريد واحد يستقيل، ينسحب أو يعتذر.. الكل مدوره على تراب المالية.
هسا صحيتو، نواب تصيح شلع قلع، والله انتم أول السرسرية ..
لا تطولوها ما بيكم اللي بي نخوة و حمية.
عرفناكم، العراق نزع عكاله و تلثم، و يال ثارات العراق، والف هل بهل المنية

#محمد_سيف_المفتي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات