كرونا

ميلاد ثابت إسكندر
(Melad Thabet Eskander)

الحوار المتمدن-العدد: 6522 - 2020 / 3 / 24 - 02:46
المحور: الادب والفن
    

*** كورونا ***
أيه اللي جاري ده بجد ؟!؟ كل يوم أخـبـار تخُـض
ناس بتحكي عن كرونا 😷 وبكلامهـم صَـدَّعـونا
أوعي تلمس أو تسلم أو تبوس 😘 فـي الخَـد حَـد

أوعي م اللي عندُه برد 🤧 اجري منه انفد بجلدك
مش هزار دا كلام بجد ،،، الكــــرونـا هـيـتـنـقـلـك
والكمامة تفضل في وشك 😷 بنصحك أنا مش بغشك

الموضوع خطير حقيقي ،،، والتمن هيكون حياتك
أوعي تستهون صديقي 😘 حتي من بوسة مراتك

عقم ايدك بالكحـول ،،، والكلور ده شيء أساسي
عارف إنها حالة ذُل ،،، دا الكرونا غدار وقاسي

وبلاش بقي تدعي علي الكفرة
عـلـشـان يـكـتـشـفــوا الـدَّواء
إحـنـا أســاســاً جــوَّة حُـفــرة
مُـسـتـنـقـع جـهــل وغـبـــــاء
الـعـلــم الـحـقـيـقــي بـرَّه
إحـنا ماعـنـدناش علـمـاء
إللي عندنا آفـاقـين مُحتالين غشاشين مُتنطعين
ماليين الدنيا كلام ،، ومالوش في الواقع لزوم
خدعوا الناس بالأوهام ،، تعاليمهم سم السموم
ولسانهم محتاج لجام ، علشان نقدر تاني نقوم

الخطرالحقيقي يابا ،،، مش بسبب الفيروسات
إحنا من زمان في غابة ، قهر تمييز وانفلات
فقر جهل خوزعبلات ،، شـر مُـر تـخـلـفــات
كُـلـه عـمَّــال بـس يـهـبـد
إللي قال وإللي عــاد ،، وإللي في القوالة زاد
وإللي قالوا كلهم ،، إللي إحنا عايشين فكرهم
في القبور يا ناس أمواااااااااااااااااااااااااااات

هو ده المرض بجـد ،، قَـيـَّـد العقـل ف وتـد
خلي تفكيرنا حقيقي ، محبوس جوه ألف سد
الكُره اترعرع ومَد ، سيفُه بقي ليه ألف حَد
حتي إللي بيعمل لخيرنا شرَّكوه وبهدلوه
مجدي يعقوب كفروووووووووه
والبحيري سلسلوووووووووووه
هو ده الفكر الخطيررررررررر
هو ده الخطـر ياهووووووووووه
هـو ده الـفـيـرس بجد
****************
فنان تشكيلي
وأشكيلك
!!!

#ميلاد_ثابت_إسكندر (هاشتاغ)       Melad_Thabet_Eskander#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات