أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - الطبيعة, التلوث , وحماية البيئة ونشاط حركات الخضر - شبعاد جبار - يوميات معيدي بين سطر وسطر















المزيد.....

يوميات معيدي بين سطر وسطر


شبعاد جبار
الحوار المتمدن-العدد: 1472 - 2006 / 2 / 25 - 10:47
المحور: الطبيعة, التلوث , وحماية البيئة ونشاط حركات الخضر
    


عندما يدخل التاريخ اسمك فلماذا لاتجعله من نور..مثل نبوخذ نصر او اشور..انا لااعني القصور
لكن اعني بناء مدينة ..وطن واهمها بناء الجسور اي نعم بناء الجسور بين الحكومة والمواطنين لان البرج العالي ما يفيد وها هو صدام احسن وابلغ مثل لم تحمه القصور كلا ولم تنفعه فلماذا يريد البعض تكرار الحالة ياجماعة اوصيك ببناء الجسور وليس القصورلانها وحدها الجسور التي تعبر بك الى الضفة الاخرى عندما يحدق بك الخطر .ا
انا اليوم جدا تعبانة لانه البارحة خلصناها صراخ وتحشيم بالناس تعالوا صرخوا اكو خطأ اي بعض الناس ماتقبل عالخطأ حتى لو بعيد وبعضها مع الاسف الخطأ ببيتها وماتحكي لاياجماعة همّ قالو لنا احكوا واحنا جبنالكم حرية وديمقراطية اي لاسكوت على الخطا بعداليوم انا سويت اللي علية هنا, وانتو من يمكم حشموا وزيرة البيئة قولوا يلا هاي لعبتك ورينا شطارتك اكتبي اسمك بحروف من ذهب وقولي لا للمناطق الملوثة غير مسموح بيها البناء واحنا كلنا وراك صدقيني...ا
.
عندي اقتراح ان اسوي يوميات المعيدي بين يوم ويوم تعالوا نخترع الها اسم شنو رايكم بينيوميات لانه بصراحة عندي مسؤليات اخرى اضافة الى انه مركزة بالشغل اكثر من اللازم على مود اعرف كل شاردة وواردة واجي احكيها الكم حدث البارحة تاخرت للثنتين بالليل اكتب تقريري اليومي لكم انا اريدكم تستفادون بعدين الاستعجال يولد عندي اخطاء مطبعية هناك اسباب عديدة لهذا القرار التعسفي اللي اجه من جانب واحد لكن انا متاكدة تقبلون عذري يلا خلي نتعلم ماكو قرار يتخذ من وراء الكواليس لازم يعرض للنقاش والقبول اتفقنا.ا
مقدمة طويلة ومواضيع هواية حدثت اليوم وبعضها نهايات معلقة لاحداث سابقة
ورد اسم برنس امس اشارة الى الارنب وهذا هو اسمه الحقيقي لم يعد هناك خوف عليه او منه بالعكس هو هسة ديسوي مقابلات صحفية وانترفيو واصبح مشهورا..في الحقيقة سالت شيل قلت له هل انت من سميته برنس ..اجابني نااااااااااااااااي طولوها شوية لان هاي طريقتهم من يقولون لا خو من يقولون اي يخرعوكم كلساع يشهقون فان سمعت شهقات متتالية لاتخف هذا معناه الرجل كله اذان صاغية ..هي النعم مالتهم عبارة عن شهقة .المهم اعدت السؤال على شيل هل انت اطلقت عليه اسم برنس قال لا اسمه الاصلي اجبت لا اله الا الله يعني ما معقولة اجة الارنب ومد يده مصافحا هي يا هيتر برنس هلو انا اسمي برنس ما معقولة بس راسا فكرت بالبرشون نممر وهذا رقم مدني كل شخص موجود بالسويد عنده حتى المقيم هذا الرقم بس يدخلوا الكومبيوتر مو يطلع بس اسمه واسم ابوه وانما تاريخة كله ويمكن شيل دك الرقم وعرف اسمه حتى بالامارة جان برنس سارق جزرة مسجليها عليةومرة مسوي مسهاندل لمرته دخل الارنب بلاك لست وخسر الاكو والماكو وراح كونكوش =افلاس, هنا الا المرية شحدة واحد يتحارش بيها لذا مو بس الارانب تحر! ص على ان تصير سمعتها نظيفة حتى احنا البشر لان نخسر هواية ميزات ..البنك ماينطيك اي قرض,شركة السكن ما تنطيك شقة,شغل تتعذب لو تلقة لو لا لهذا ماكو فساد الناس تخاف على الميزات حتى مرة وحدة من الوزيرات تصوروا اشترت بما يعادل الف دولار من بطاقة الحكومة اللي المفروض تصرف منها بس على شغلات رسمية طلع بالبرشون نممر وفضحوها وهي الف دولار اتمنى مثل هذا النظام عدنه حتى يحسبون الف حساب مايصير ياجماعة الصرف والنهب على فلس ومحد يكدر يطلعة والفساد استشرى من اصغر موظف الى والله ماعرف وين بصراحة بس الدلائل تقول فلوس بالهبل تنصرف ماكو شئ على ارض الواقع بالعكس تسوء الامور وهذا لازم نعترف بيها اي نعم صدام راح نعم اللة على الي روحّة لكن نريد همين خدمات نريد نعيش لعد ليش روحتوا صدام ..لذا من شفت هذا الارنب وفوقاها اسمه برنس استغفر الله يعني هم بموقع مسؤولية انا من شفته سارق جزرة طلع من عيني بعد ما اسال عليه انا بس حبيت اقلكم طلع اسمه برنس.. لكن اغلب الظن عرف اسمه من الجارة التي اعتنت به لاول مرة

لقد حصلت تطورات خطيرة في موضوع العقار تعرفون العلم يتطور هو مفعول العقار صار ثلاثة ايام بعدها يختفي فلازم واحد يرتب اموره يبيع كلشي ليقدام قبل مايستعملة وتوشتن شيطان رفع السعر اولا لان هناك دول اخرى انضمت كلها شاردة من التلوث والتصحر والفقر والجوع وانتو احزروا هاي الدول منو وثانيا هو يعرف العراقيين من يطلعون يبيعون بيوتهم وحلالهم فكال اكشولهم كلش همة مو كان المهرب يكشولهم ويلعب عليهم واغلبهم ينلزمون بالحدود وانت منهم وطلعت باعجوبة.. لا منو قللك.. كال كل عراقي له قصة اللي غرق واللي انلزم وانسجن واللي عافة المهرب بالصين طلع كلشئ يعرف عنا ..كان الرجل مترددا في اختيار البلد للهجرة المعاكسة حيث اصبحت له مساحة واسعة للاختيار ..في الواقع هو الرجل مقتنع ان العراق متنوع الثروات وحتى هو ذكرني وهو يفرك يديه فرحا راح تكون عدنه احدى عجائب الدنيا السبع هذه الناس تجني من وراها ملايين هسة تشوفين شلون راح تصير سياحة انا قلت له هسه اطلب من العراقيين بعد يعدون الك المناطق الاثرية "يمعودين الله يخليكم دير بالكم عليها ترة الاثار دتنهب انتبهو هناك مهربين يبن! ون خيام بالمواقع الاثرية على انهم بدو ويحفرون تحتها ويطلعون اثار.. يقللك تطلع عظام يشمروها تطلع تمثال ياخذوه الحقوا هسة عظام كلكامش شوف بيامكان مشمورة "..وقلت له شوف: كل شبر من العراق به معلم حضاري وانساني وديني خذ الاهوار كال نسويها فينيسيا قلت له تكدرون والله قال ادور لك على بيت النبي ابراهيم بعد شتردين قلت له بروح ابوك طلع ابوه عدل لان هنا الكبار اكو قرار ممنوع يموتون اقل 95 سنة اطباءنا ايديهم على قلبهم خاف يروح واحد بين ايديهم من يجوهم للمستشفى_ والله اليوم كان عدنة كورس بالقسم خابروا فد بنية وبهذلوها كلولها
فاشمورمور مريضة بالمسشفى يعني جدة ابوها.. كانت مقهورة البنية وحتى نزلت دمعة من عينها انه هم رحت اواسيها على الطريقة السويدية وقفت قدامها وعوجت رقبتي ومديت ايدي امسد على ظهرها واقول " اوه اوه مثل مواء القطة همزين ماقلتلها يور دة اونت=هذه تقال في مناسبة اخرى, وسطرت لها ثلاث اربع جمل حافظتهن بس ما اعرف شوكت تقال اربع جمل مو اكثر ماعدهم سودة علية والله يساعدكم او يبوه ماشافت بحياتها شئ لا..شافت" بعدين قلت لها بيبيتك شكد عمرها قالت مو يبيتي , بيبية ابويا عمرها 93 سنة عدلت رقبتي وقلت لها لاتخافين ما تموت اذا ميصير عمرها 100سنة ياموهو ليفا دعاء بالتمني ان تعيش مئة عام" شنو شغله لعد لكن بدوا يصيرون طماعين ويعيشون اكثر وعليه يجب ان تتغير الاغنية الى" اتمنى تعيشين مئةوعشرين مئة وثلاثين ..الا ان انت تطلبين تموتين"مجرد اقتراح والا يغنولها بعيد ميلادها اتمنى تعيشين مية سنة وهية مية وخمسة يعني واقفة يمكن تشعر المرية انه غير مرغوب بيها من خمس سنين تشيل جوالاتها من دور العجزة ذو الخمسة لا والله اكثرسبعة نجوم وين تروح.. تروح! للعراق وتزاحم عجائزنا على الفلك والساحات وتجدي بس والله هاي استثمار مجدي اشقر عمركم شفتو هذا, ليش ماكو مجدي عدهم اشو انه ما اعرف السبب نسال يوران"رئيس الوزراء"والله انا ما اعتبر هذولة اللي يعزفون بالشارع مجدين اولا هم يعطوك بضاعة بدلا من فلوسك الا وهي غذاء الروح ثانيا ما يجلبون بذيالك الاّ تنطيهم والاّ تحول كل الدعاء اللي دعاه الك قبل ثواني الى مسبة.اا
بس عالعموم هو الرجال توشتن ابوه عدل ويتمنى يزور النبي وهواية ناس بعد وياه تصدقون انه من الناصرية ولا مرة ودونّة اله سفرة وحتى ما اندل وين بيته.. جان دكيت بابة وقلت له يرضيك اللي يصير بينا ..اقلكم هو ليش هج من العراق .انه قلت لتوشتن الله يخليك بلط اله شارع وبدربك شوف الحبوبي شايل عريضتة من اكثر من 35 سنة على مود يبلطون شارعة وكلشي ماكو هاي مو من عندي من اهالي الناصرية ملوا ظلوا ينكتون على روحهم.ا
خصم الكلام الرجل مقتنع لان الموارد هواية بس اكو شئ موقفه قلت له شنو قال تعرفين السويدين صار اكثر من مية سنة ما طابين حروب ويخافون من قطرة دم قلتله شتقصد ظل يمتمت على بو ها شفت صور باحد المواقع انعرضت للمرة الثالثة عالتوالي بيه طفل خطية ابوه يشج راسة بسكين طويل قلت له قامه قال والطفل كان يتشبث بذراع والده او ما اعرف منو يعني بالله بروح ابوك الحسين علية السلام يرضه بهاي قلت اوكف خط احمر واخضر واصفر وكل الالوان انا مااعرف ولاتحكي وياي تره انه ابطل هالمرة لكن الرجل كان صارم ويريد يضع حلا للموضوع قلت له شتقترح قال روحي اسالي الناس المراجع هل يجوز الاطفال بايدينا نحن "وايادي غيرنا تشظيها الى قطع متناثرة خو" نشج رؤوسهم.. ولماذا هاي هو قالها مو انه " سمعت واحد من بعيد يقول بلهجة سكونية: جبانة.. غلست, كان يوناس" .. اصابني القلق انا كل همي يجون يبنون البلد ويعلمونه شلون نبني بلدنه طولناها وبعدين الله وياهم "كل واحد بلده عزيز" ويسوون لنه رقم مدني ونبدي نعد ونسجل عالواحد كم جزرة ناشل حتى يستحي من روحه&n! bsp;.. من جهاله وبعدين حتى نرجع كلنا حتى هذوله خطية اللي ضحوا بروحهم وتعرضوا للخطر واخذوا العقار لكن هو قال خل ناجل المناقشات الى ما بعد التطبيع
هطل الثلج طيلة اليوم الفائت النافذة مفتوحة قليلا لاني احسست بحرارة في الغرفة.. هناك جلبة في الخارج, انه صوت آليات ومعدات تعمل من اجل فتح الشوارع ورشها بالحصو الناعم حتى المواطنين الحلوين لايتزحلقون, يعملون منذ الان_ الساعة الثانية صباحا_ نعم حتى الصبح الامور مرتبة وسهلة اتجهت صوب النافذة اغلقتها انقطع الصوت يمكن خلصوا.. فتحتها مازال ضجيج الاليات اسرعت باغلاقها وانا اقول يمكن سحر فلا يمكن ان يكون عزلا متقنا بهذه الصورة ..وصباح الخير





رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)

لماذا ننصح باستخدام تعليقات الفيسبوك ؟

| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 2,147,483,647
- يوميات معيدي في السويد_5-
- يوميات معيدي بالسويد_4_
- يوميات معيدي بالسويد -3-
- يوميات معيدي بالسويد -2-
- قصة الارنب السعيد والسيد شيل
- صرخة بناتنا في الخارج ..من يسمعها
- للمرة الثانية يصيبني الوجع
- متى يحين الوقت للخطوة الاولى؟
- ندفن نفاياتهم بصدورنا ونعطيهم ثمنا لذلك
- دعها تقودك..فانها رفيقة ولطيفة
- هل حققت الفضائية العراقية الهدف؟
- معلومة عن التصحروالحروب ان لم تفدك فهي بالتاكيد لن تضرك
- شئ ما يجب ان نفعله(2)ولكن ليس بخصوص البيئة هذه المرة
- (معلومة ان لم تنفعك ..فهي بالتأكيد لن تضرك( 1
- خطة لادارة الفضلات الصلبة والنفايات لاحدى المدن العراقية
- اعيدوا صور صدام ارجوكم
- الاعلام البيئي..هل له وجود عندنا!!ا
- ماذا سنسلم نحن لاجيالنا القادمة؟
- اليورانيوم..بعيدا عن التأثيرات الاشعاعية
- حتى لاتكون رموز العراق على هذه الشاكلة..


المزيد.....




- جورجيا.. مصرع 12 شخصا بحريق في فندق 5 نجوم
- تعاون محتمل بين مايكل فلين والمحققين
- أمير قطر يعزي السيسي بضحايا هجوم سيناء
- البرلمان العراقي: هجوم العريش عمل إرهابي جبان
- زلزال بقوة 5.1 درجة يضرب تركيا
- بالفيديو.. وزير الخارجية السعودي يحرج مراسل إسرائيلي
- اليوم العالمي العنف ضد المرأة
- بالفيديو: مئات القتلى والمصابين في هجوم على مسجد الروضة شمال ...
- نصر الحريري: ذاهبون إلى جنيف لهدف محدد هو الانتقال السياسي ...
- حالة هلع بمحيط شارع أكسفورد في لندن


المزيد.....

- ظاهرةالاحتباس الحراري و-الحق في الماء / حسن العمراوي
- التغيرات المناخية العالمية وتأثيراتها على السكان في مصر / خالد السيد حسن
- انذار بالكارثة ما العمل في مواجهة التدمير الارادي لوحدة الان ... / عبد السلام أديب
- الجغرافية العامة لمصر / محمد عادل زكى
- تقييم عقود التراخيص ومدى تأثيرها على المجتمعات المحلية / حمزة الجواهري
- الملامح المميزة لمشاكل البيئة في عالمنا المعاصر مع نظرة على ... / هاشم نعمة
- الملامح المميزة لمشاكل البيئة في عالمنا المعاصر مع نظرة على ... / هاشم نعمة
- المسألة الزراعية في المغرب / عبد السلام أديب
- الفساد في الأرض والسماء: الأوضاع الطبقية لتدميرالبيئة / المنصور جعفر
- الايكولوجيا البشريه في النظريه والتطبيق والقياس ( محاضره ال ... / هادي ناصر سعيد الباقر


المزيد.....
الصفحة الرئيسية - الطبيعة, التلوث , وحماية البيئة ونشاط حركات الخضر - شبعاد جبار - يوميات معيدي بين سطر وسطر