زنزانة الحالمين ...

محمد السعيد أبوسالم
(Mohamed Elsaied Abosalem)

الحوار المتمدن-العدد: 4561 - 2014 / 9 / 1 - 21:31
المحور: الادب والفن
    

لو حبسوني
ورا ألف سور وسور
هفضل أثور وأثور
صوتى من جوه الزنزانه
هيفور
ويشق طريقه للنور
ويثور
ويحرر عقول بتدور
فى ساقية الظلم والزور
والدور,

الدور عليكم يا غلابه
تكسروا انياب الديابه
وتحولوا العتمه نور
وتخلقوا من السكات
سيف من صرخات
وفى جسد الفساد
إطعنوه ما ترحموه
إقتلوه
إهدموه
وافتحوا السجون للحرية
حبسوها جوه زنزانه مخفيه
نسيوا انها لو غابت عن عيون الشعب
فى العقل هتفضل أبدية,

لو قتلتوني
لجل الحروف تنتهى
ويموت الكلام بشلل شفتي
والسجون بالورد تتملي
ومن ذكريات الغد تتنسي
إقتلوني
وإنسوا الحروف معايا تنطفي
وتشيعوها ترافقني فى وحدتى
الحروف منبتها القلوب
بتتروي بالحلم
بالحب والجنون
والكلمة ثورة
لا يمكن يوم تختفي,

طول ما الشعب عايش فى القبور
طول ما الشعب مقهور
طول ما الشباب مسافرين لبلاد اليأس
والبنات خايفين يبقوا أمس
والاهالي متغمين فى ساقيه بتدور
لجل الستر المفقور
وأحلامهم على معده فاضيه
صبحت أبسط حقوق
الفجر راجع من قلب السور
الفجر هيفتت عتمة كل سور
وهترجع للعيون بسمة العيد
اللى أصبح بعد وطن عيونهم شريد,

إسجنوني
إقتلوتى
الوطن من بعدي
هيولد كلام
وأنا حرف وجع
على وتر الوطن
أختار غصب عنه
يرقص ويرقص
من الاوجاع
انا الفقير لو جاع
انا الشباب اللى شاب
والبنات اللى صاروا سلع
انا اللى بفضح ملاعين الظلام
اخترت اموت
بس يرجع لوطني الضياء
وحتما هتبقى ضياء .

#محمد_السعيد_أبوسالم (هاشتاغ)       Mohamed_Elsaied_Abosalem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل