محتارين

ميسون نعيم الرومي

الحوار المتمدن-العدد: 4049 - 2013 / 4 / 1 - 15:05
المحور: الادب والفن
    

مـحـتـاريــن
ميسون نعيم الرومي

محتاريــن
ياطول العـُمر دَمعـتـنه فـوگ الخـَدْ
مهضومين
غـُموس الدم ورثنه من الأبو والجـِد
شمسوّين
مامش كل فرج والفرج صد مارد
مهمومين
دمع العين كت اوسال حـَد ابحـَــد
متعذبين
درد اوضيم هم اونوح..ضاع الكــَد
منهوبين
نزرع بالسنــابل ... والغـُرُبْ تحـصد
مظلومين
نشتل بالـْشـِلـِب بالـلـّوعـَه احنـَـه انـكِـدْ
جوعانين
وانحمل ذَهـَبْ كل يوم ناكل شوك گدْ ابگدْ
متــكدرين
والحـُرَّه العـَـفـيـفـَه هالـْجـِرفـْهـَه الـمـَـد
غرگانين
وابــْدَمـعْ الـيتامى ...هالـْـبـِنـيـنـَه السَـــد
مسحوگين
مـِنـْجـَلْ موت يـحـْصدْ وابـدمـانـَـه ايـهدْ
منـيـوبين
نِحـْسـب بالامـْواتْ اوضَيـْعـيـنـَه العـَـد
مغصوبين
شِــرْبـوه الـَنـَفـطْ بـيـن الجـَزِرْ والـْـمـَد
مسؤولين
نـِـسـألْ بـالحـِدانـَه الضيـمْ مامـِشْ رَد
متاسفين
انــْبـاعـَـتْ ذمـَمْ للأجـنـَبـي اتــمـَجـّـدْ
متعلمين
هـَـلبـَتْ تـِرتـوي كِـرشــانْ ما تِـنـْسَــدْ
محترگين
چـانـونْ الـگــَلـبْ نــيـرانـَـه مـاتـِهـْمـَدْ
محتارين مهضومين ـ شمسوين ،مهمومين
متعذبين منهوبين ـ مظلومين جوعانين
متــكدرين غرگانين - مسحوگين منـيـوبين
مـَغصوبـيـن مسؤولين – مـتاسفين متعلمين
محترگين
نِـلـطـم عـَلى الصـار اونـِگــعِـد انـْعـدّدْ
يـاطــًولْ الـعـُمر ... دمعـَتـنه فوگ الخد

نيسان / 2013
ستوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات