رحيم الغالبي
الحوار المتمدن-العدد: 2645 - 2009 / 5 / 13 - 09:21
المحور:
الادب والفن
كسرتني السفن
والبحر عاقر
وتلاويني السنين بايد عاهر
غطت كل وجها
بكل حجاب
وريح شرجي
واليغني للبغابا
اسلوبه ماهر
جاب اشكال الزلم
ذبت عكلها
وذبت عقلها
وطير طاير
ماحط على ااااسطوح اهلها
كسرني الدرب مكسور خاطر
لااسافر
ابين اهلي و اولايتي
اكدر اخاطر
كسرني الدرب مكسور خاطر
لااسافر
ابين اهلي و اولايتي
اكدر اخاطر
انه مثلك ...
مثل خط الافق
مشهور واغامر
لاكن بلايه هويه
ولاوجه مكروه يلزمني
ويكول :
العندي خاطر
بس
اغامر
الخاطر الله شكد اذب
طعم السمج بالماي
وفوك الماي احط احله كناطر
يالتنام الليل كله
وآنه ...اساهر
طير اعله صفصافه
تهزهه الريح
والبستان آخر
انه بالاسكان * لو بالشعله
لو بالحبوبي
لو بالسراي
اناطر
اخر البستان اخر
بس يظل الحاقد ابيار
واظل آنه مناير
*****
_____________________________________
* محلة من محلات مدينة الناصرية
شهدت انتفاضة ثورية وقدمت شهداء شيوعيين منهم صباح طارش وبعض عائلته ومنهم عدنان الشاطي مدير موقع ناصريه نت المغترب في امريكا
#رحيم_الغالبي (هاشتاغ)
كيف تدعم-ين الحوار المتمدن واليسار والعلمانية
على الانترنت؟