علي حسين كاظم
الحوار المتمدن-العدد: 1996 - 2007 / 8 / 3 - 08:57
المحور:
الادب والفن
إمشي
إمشي .. إمشي .. الدنية خطوه
إمشي مابين الضلوع
وشهگ ابروحي عشگ
يل نواعيرك تدور
ابروحي نخوه
اولو رجف گلبي
عله ظيمي أعطبه
وأجيلك لو الصبح سجتين
والمعارضات اكثار
ومامش للصبح باب
اصير الباب والخطار
وطحن گهوة الخطّار
واوگف للحزن ضي السيف
أخاف اعليك
أخاف اعليك من روحي
يوم تاخذهه السفن ابلياك
انه ابلياك
سيف المايعارچ گوم
اولا حچي ابليياك
انه ابلياك
ثلج المايحن للسيل
ولا نار اتوهّج الوحشه
حيره اوياك
اوبس تحزن اظل ويّاك
أسولفلك تسولفلي
وسولف للوكت مرات
حيره اوياك
حيره اوياك
يل روحي تنطفي
ابليــــــــاك
*************************
[email protected]
#علي_حسين_كاظم (هاشتاغ)
كيف تدعم-ين الحوار المتمدن واليسار والعلمانية
على الانترنت؟