سلام محمد المزوغي
الحوار المتمدن-العدد: 6057 - 2018 / 11 / 18 - 15:32
المحور:
الادب والفن
شْبِي وِلْدِي مَغْمُومْ؟
بَرْڤْ وِرْعَدْ وِسْمَا بْلَا نْجُومْ؟
يَمَّا كِذْبُو عْلِينَا
وْڤَالُو لِغْرِيبْ خُو جَايْ يْدَاوِينَا
يَمَّا عْمُو عِينِينَا
وْسِرْڤُو الڤَمْرَة اللِّي تْضَوِّي لْيَالِينَا
شْبِي وِلْدِي مَهْمُومْ؟
وْعِينُو طَالْ لِيلْهَا وِجْفَاهَا النُّومْ؟
يَمَّا ڤَصُّو جْنَاحِي
وْلَا حَدّْ بَا يْدَاوِيلِي جْرَاحِي
يَمَّا ڤِتْلُو فْرَاحِي
وْرِڤْدُو وْڤَلْبِي يْبَاتْ صَاحِي
شْنَاڤِصْ وِلْدِي يْصُومْ
وِيْصَلِّي وْيِتْفَرِّشْ مَرْڤُومْ؟
يَمَّا بَابُورْ زَمِّرْ
وِذْرَاعِي يْحِبّْ يْشَمِّرْ
يَمَّا كُسْكْسِي مْجَمَّرْ
وِينُو مَڤْرُونِي حُوشِي اِدَّمَّرْ
عْلَاشْ وِلْدِي يْلُومْ
لَا عَاجْبُو لَا كْرَبْ لَا رُومْ؟
يَمَّا مَلْيَة وْزَرْبِيَّة
وْفُلْ وْيَسْمِينْ وْنَوَّارِ عْشِيَّة
يَمَّا وْسَرْدِينَة مِشْوِيَّة
وْلَا جْرَادَة وْلَا حْفَشَّة ڤَاوْرِيَّة*
..............
* Sturgeon.... Caviar.
#سلام_محمد_المزوغي (هاشتاغ)
كيف تدعم-ين الحوار المتمدن واليسار والعلمانية
على الانترنت؟