((نص بالعامية العراقية))

مرتضى محمد
(Murtadha Mohammed)

الحوار المتمدن-العدد: 5858 - 2018 / 4 / 27 - 17:52
المحور: الادب والفن
    

ردّة روح

"بين الاعمدة اليونانية"...... برزخ وجنّةٌ واقتباس
هيج وترد!
حته لو كلمة بطرف طاري المسافة ؟!.
هيج وترد ..
وأنذر الكومة أنذور ..
بس نذور ليل ،
وكاس مكسورة ..
ومبديه السهر والشك.
هاذ ماي
رتب الفكرة طرد ،
وصاح بيّه وبيه : روح ، روح
بس ترد!
هيج وترد
واكلك تره بأول ليله ،
من نمت اويه صوتك
تخيلت الخلق !!
ماي ،
مدري صدفة ،
مدرس واهس ..
مدري أصابع صاغت المدري حلاوة ؟.
هيج وترد!
والشجرة الرافكت كل السوالف ..
نروح بوعينا نزورهه
والشوارع غافية
بحضن المسافة ..
الما رضت تبقه مسافة ..
وظلت الروح تتشاوف صدف ،
وانته تدري الصدفة شطحة ..
تواري ذاك الما حجه .
هيج وترد !!
حته لو شوفه وما تصح !
بس تبقه تزت للشوف أمل .
هيج وترد
نكفر سوه ،
نؤمن سوه ،
وهم نرد نكفر سوه ..
بـــــ الليش
والردة
هلبت ترد
ونشوف هوه أحنه
وما نرد
لو هيجي نرد ؟
***************************
مرتضى محمد/ميسان-العمارة/ 2018

#مرتضى_محمد (هاشتاغ)       Murtadha_Mohammed#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات