مرتضى محمد
(Murtadha Mohammed)
الحوار المتمدن-العدد: 5606 - 2017 / 8 / 11 - 03:35
المحور:
الادب والفن
*وها انت تعاد على البوابة : ضباب أرجواني *
لوحات بداخل لوحات توحي بمدري ،
لوحة ماي ، ولوحة فيل ؛
بس الفيل بورك الشجرة ، امصنّع ! ،
ويركض محروك من المدري !! .
لوحة شط مرافك صحره ،
ولوحة مركب سايقهه أنسان ، وحيوان ..
والآلات اتهم وترصف ،
ليوين تكود الطوفان !!
وبنص المشهد ، أنه وروحي ..
نباوع على اللوحة الما تدري .
بس نتناقش :
ليش الينخه يباوع فوك ؟!
الله معلك ؟؟!! ؛
لو شنهي ؟!!
وأنه وروحي انباوع بيك ،
ونشوفه الشباج مكابل:
بايات متجايه بورقه ،
أطفال اتلاثه ،
تلعب تصوير وما تدري .!!
------------------------------------
مرتضى محمد/العمارة - 2017
#مرتضى_محمد (هاشتاغ)
Murtadha_Mohammed#
كيف تدعم-ين الحوار المتمدن واليسار والعلمانية
على الانترنت؟