السلطان !!

طلال الشريف

الحوار المتمدن-العدد: 1919 - 2007 / 5 / 18 - 14:02
المحور: الادب والفن
    

السلطان !!
د. طلال الشريف

موسي
أبو عيسي
قال زمان
في الديوان
يا إخوان ...
يا إخوان ...

السلطان هو
اللي ما عرف
وما جرب
السلطة
والسلطان

واللي عرف
طعم السلطة
والسلطان
صار إلها عبد
وما عاد
هو سلطان

السلطة لما
بتحتل النفس
ما بيحررها
حتى الحبس
وبيصير العقل
عند المتسلطن
مثل الجبس

واللي صار في
السلطانية
ما بيعرف قيمة
الحرية
ومنشان هيك
بيمنع وبيقمع
الحرية

شوفوا السلاطين
ع الأيام ما بتنام
فكرهم مشغول
ويرتكبوا كل إثام
ويصابوا حتى
بالأوهام
ما يخافوا رب
وما بيعرفوا حرام
وكلهم متآمرين
ولا إلهم زمام

ولأنهم بيصيروا
عبيد
بيحكموا بالنار
والحديد
وبيسفكوا كل يوم
دم جديد
وبيصلوا عليه
صلاة العيد

وكله مخادع
وعامل متواضع
وبيبني كل يوم
بكل قرية جامع

قال أبو عيسي
قال وقال
القوة مش بس
سلاح ومال
والحاكم مش
المشعوذ
و الدجال
واللي معاه
زمرة أنذال

القوة
كيف تعمل
عدل
وتعاقب المجرم
وتحمي الناس
من القتل
وما تفرق بينهم
وتجمع الشمل

والحكم العادل
ما ينفعوا متعصب
أو سمسار
الحكم العادل
بدو رحيم بالبشر
ويخاف من الجبار

الناس بتصبر
يوم يومين
شهر وشهرين
سنة وسنتين
بس ما بتصبر
ألف وألفين

وال بحكم بالسيف
يا سلاطين
بيموت بيه
والبطانة الفاسدة
ما بتحميه
وين ماركوس
ووين الشاه
وين بينوشيه

21/4/2007م

#طلال_الشريف (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل