وامرجاناه !!

طلال الشريف

الحوار المتمدن-العدد: 1916 - 2007 / 5 / 15 - 12:55
المحور: الادب والفن
    

وامرجاناه
وليمة دجل ومنفعة
والكل طايح فيها

هرج ومرج وهبج
وما حدا فاهم ليها

أمة سكرانة يا عين
والقلب ميت فيها

قتل وجدب ونصب
والكل ع كيفو بقليها

ومعركة كبيرة كذب
وحاميها حراميها

وشعب قرفان تعبان
من الأحزاب وما فيها

وكيف بدو ينتصر
الأجدب
والديوث
والقاتل
والمشعوذ
ويحرر أراضيها

وامرجاناه
إلحقنا واحميها

الشعب بيموت
في اليوم مية مرة ومرة
ومرة من خوفه
بحنيها

ضاعت أماله
وبهدلو حاله
وكله بينهش في خوابيها

ومن كثر الأمان اللي فيها
صار الطير يخاف
ينام في دواليها

وامرجاناه
ويلي عليك يا وطن
ويلي عليك يا ابنِ

الكل يهدم فيك
وما حدا يبني

كله بدعبس فيك
ويتشاطر علينا بلثامه
يرعبك ويرعبني

وأنتا ما ظل فيك حيل
يا وطن
أيديك تقطعت
وهمك كبر
وظهرك بدا يحني

برييه برييه
من هالحال
منكم ومن أعمالكم
يا عبيد السلطة
والأموال

يا رافعين شعار
تحرير الوطن
انتو ضيعتو الوطن
وانتو قتلتو أطفال

كل يوم طخ وقتل
ومواكب كلها شلل
وعصابات أرتال

خربتو ديارنا
وعميتو بصارنا
وبترحلو لرجال

وامرجاناه
صمد الشعب معكو
قدم شبابه
وضحي بالغالي

لأجل يتحرر وطن
ويصير بالعالي

وبرييه
علي ايديكو
صار الوطن
مقطع وصال

وامرجاناه
الشعب ما عاد
يتحمل ظلم
وما عاد عندو صبر
بعد ما ضاع الحلم

وامرجاناه
يا قادة حرام عليكو
اللي صار
الناس وقعت تحت ظلمين
ظلم احتلال
وظلم من أهل الدار

هذي بطالة
وهذا دمار
وهذي جرايم
وهذا إفقار
والفقر مع الظلم كفار

كفا كفا
ما عاد ينفع
غادر ولا غدار

وامرجاناه
كلكو علل
حقد وفشل
كذب ودجل
وكلكو بتجرو
ورا يورو
ودولار

وامرجاناه
افعل لشعبك شيء
في بلدنا
الزمن قد جار
الوزير كان سمسار
والمشلط صار مختار
والديوث صار مليار
والجاهل صار غوار
والفرس صار حمار
والحليم صار محتار

ما في نصر لهيك شعب
وعمرها ما بتعمرلو دار
وما في شعب بتحرر
مادام فيه
الفرس صار حمار

25/4/2007م
[email protected]

#طلال_الشريف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل