قٍيلَ فِيه وَ عَنه...

مكارم المختار

الحوار المتمدن-العدد: 8879 - 2026 / 11 / 4 - 18:05
المحور: الادب والفن
    

أصعب شيء لما يكون الشخص اللي الكل تكول عنه ؛
[ نيالك بيه و نيالك عليه ]
و هو غير إنسان لما تجتمعين وياه و تكونين معه في البيت وحدكم
إذ الكل شايفه إنسان مثالي منو يصدك النسخة اللي تعرفيها عنه انتي
يمكن اكثر شيء يتعبك مو معاملته إلك
يمكن اكثر شي متعبك أن العالم شايفته بطريقة مختلفة تمام عكس ما هو كدام اهلك معارف أصحابه و أصحابك وووو
لطيف كدام الكل
كريم يمزح يضحك
يسأل عالكل و يعرف شلون يخلي الكل تخبه
و أوقات يمكن تسمعين انك محظوظة بيه
و تبتسمين لانك متعرفين تشرحين انه نفس الشخص اللي الكل شايفة بهالصورة لما ينسد الباب بيصير بعيد عن كل اللي ينقال عنه و ينشاف بيه
قاسي...؛ أو كأن وجودك ما له قيمة و وجوده وياك كانه متفضل عليك
و الأصعب إنك تعرفي إنك إذا حجيتي ..؛
أول سؤال لك حَ يكون...؛
شلون هيج ما مبين انه مثلما تكولين!؟
أكو نسخة منه الناس تحبها...،
اللطافة
المزح
الاهتمام
الكلام الحلو
وانتي يجوز هم شفتي هالنسخة
و يمكن هي اللي خلتك ترتاحيله أو تحبيه من الاساس
لكن النسخة الثانية الباردة القاسية الغريبة ما تظهر إلا من ما يكون أحد يتفرج و يشاهد و يلاحظ
و بتعاملك كأنك اخر شخص بالدنيا لازم تهتمي بيه
و هنا تبدي تسألي نفسك ...؛
انا ليش هيج أسوي؟؟
يمكن دا أبالغ..؟؟
يمكن صرتي تضمين و ما تسولفين لاهلك
ما تشتكين لاصحابك
تضحكين كدام الناس تدافعين عنه لما أحد ينتقده
حتى تصيري تحمين صورته كدام الناس
بينما انت دة تدفعين ثمن هالصورة بالسر
لأن تعرفين إنت لو حجيتي ممكن الناس تصدك الصورة اللي شايفيها من مدة مو اللي انت عايشتها من سنين
و انتي مو مطالبة تقنعين العالم بوجعك حتى يكون وجعك حقيقي
مو كل شخص لطيف كدام الناس لطيف بالبيت
و مو كلمن عنه صورة حلوة عند الناس يعرف ينطي أمان لاقرب الناس اله
و أحيانا اكبر خطوة تسويها مو أن تفضحين نفسك
أن تبطلين تكذبيها كدام نفسك و بينك وبينها
إذا عايشة هالفجوة
إذا صرتي محتارة بين الصورة التشوفها الناس و اللي انت عايشتها
لازم يكون عندك مساحة نريد منك تبريرها
ي لو موو...؟؟
و كفى...

#مكارم_المختار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل