المستريحين والناس الطيبين

صبحى إبراهيم مقار
(Sobhi Ibrahim Makkar)

الحوار المتمدن-العدد: 8864 - 2026 / 10 / 20 - 23:01
المحور: المجتمع المدني
    

المستريحين والناس الطيبين:
المشكلة: محاربة اقتصاد الدولة ومقاطعة مؤسساته المالية لإضعافها بوجود خلطة شيطانية مستمرة عبر الزمن في الضحك والنصب على الناس الطيبين اللي بيفهموهم إن هما وبس اللي بيرضوا ربنا وكل الباقيين اللي حواليهم ما يعرفوش ربنا ولا بيتبعوا تعاليمه ولازم يسمعوا كلامهم وتعاليمهم هما وبس عشان كل العالم بيتآمر عليهم لإبعادهم عن دينهم وعايزين يخلوهم يعيشوا زيهم في حالة كفر وشرك وفجور لتسهيل عملية جذب قصدي سرقة مدخراتهم وإبعادها عن الاقتصاد الرسمي للدولة.
العلاج:
1) للقضاء على حالات النصب الدائم المرتبطة بشبهة ربا البنوك وحرمان الاقتصاد الرسمي من المدخرات المحلية لازم الأول نعرف ناسنا الطيبين اللي بتنخدع بكل سهولة من أي شيطان لابس جلابية ومربي دقنه وبيردد آيات وأحاديث ويفسرها حسب هواه وتفكيره، إن فيه ناس كتير غيرهم موحدين ومؤمنين بربنا وبيصلوا ويصوموا وبيحرصوا زيهم على التمسك بالفضائل والبعد عن كل الرزائل. وإن الربا محرم في كل الأديان وليس في الإسلام فقط كما يشاع باتهام غيرهم بالباطل وبدون علم.
2) تعريف الربا بكل بساطة حسب مقاصد ربنا إن لو فيه شخص فقير طلب منك فلوس عشان حاجة ضرورية ليه ولأولاده مثلاً يجيب أكل وشرب وحب يرجعها لو طلبت منه فائدة كأنك بتقطع من لحمه، وده حرام لأنه ما استخدمش الفلوس دي في أي استثمار ولم تأتي له بأي عائد.
3) فوائد البنوك حلال وشرعية عشان الودائع الزائدة عن احتياج الفرد بتعتبر مشاركة في رأس المال والأعمال الاستثمارية ولا يتم استخدامها في إقراض فقير عايز ياكل ويشرب. والمشروعات دي بتحقق أرباح بيستفيد منها المودعين باعتبارهم شركاء في رأس المال المستثمر. وتحديد سعر الفائدة بيعتبر عملية إدارية وتنظيمية بتزيد وتقل حسب حالة كل اقتصاد ومراحل نموه وفي بعض الأحيان بتبقى صفر في بعض الدول المتقدمة وده بيعتبر بلغة الأيام دي نسف جبهة لكل العقليات اللي بتهاجم فكرة البنوك بصفة عامة وبتقول عليها ربوية.
4) مثال عملي توضيحي: لو عندك شقة تمنها مليون جنيه وأجرتها لواحد تاني فهل الإيجار اللي هتاخده هتعتبره ربا ولا حق استخدام الشقة؟ أكيد مش هتقول ربا وهتاخد الإيجار عادي ومش هتحرمه. لو فرضنا بعت الشقة بمليون جنيه وعملتها وديعة في البنك وهتاخد مقابل بدل الإيجار هنسميه فايدة فده مش حرام عشان مش إقراض لفقير مش لاقي ياكل ولكنه مساهمة في عمليات استثمارية تستحق العائد من استخدام رأس المال اللي هو هنا في صورة نقدية وفي الحالة الأولى كان في صورة الشقة.
الخلاصة:
الربا يتعلق بوجود إنسان فقير يبحث عن مال لتوفير احتياجاته، أما في حالة وجود مال يتم استثماره لدى البنوك بهدف المتاجرة واكتساب الأرباح تعطى فائدة من استثمار رأس المال.
وياريت لما أي حد يقولك فلوس البنوك ربا وضد شرع الله تقوله هل هتديني إنت فلوس وأرجعهالك زي ما هي بدون أي زيادة ولا هتسموها مصروفات إدارية بدل كلمة فايدة اللي بتعملكم هيجان وحساسية.
آيات خاصة بتحريم الربا الحقيقي:
1) "إِنْ أَقْرَضْتَ فِضَّةً لِشَعْبِي الْفَقِيرِ الَّذِي عِنْدَكَ فَلاَ تَكُنْ لَهُ كَالْمُرَابِي. لاَ تَضَعُوا عَلَيْهِ رِبًا".
2) "وَإِذَا افْتَقَرَ أَخُوكَ لاَ تَأْخُذْ مِنْهُ رِبًا وَلاَ مُرَابَحَةً بَلِ اخْشَ إِلهَكَ فَيَعِيشَ أَخُوكَ مَعَكَ".
3) "فِضَّتُهُ لاَ يُعْطِيهَا بِالرِّبَا".
"سَعِيدٌ هُوَ الرَّجُلُ الَّذِي يَتَرَأَّفُ وَيُقْرِضُ".
4) "مَنْ سَأَلَكَ فَأَعْطِهِ. وَمَنْ أَرَادَ أَنْ يَقْتَرِضَ مِنْكَ فَلاَ تَرُدَّهُ".

#صبحى_إبراهيم_مقار (هاشتاغ)       Sobhi_Ibrahim_Makkar#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل