الروح تربي تظل

ميسون نعيم الرومي

الحوار المتمدن-العدد: 8210 - 2025 / 1 / 2 - 18:14
المحور: الادب والفن
    

الروح تربي تـِظـَـل
للنخله للتينه
لايام حلوه مضت ..
صارت حلم يطرينه
-----
للگعده وكت العصر
ع الشاطي .. يم النهر
والناي اسمعه من بعد
يا محله اغانينه ..
-----
الروج يتماوع يمر
والبلم من يمنه عبر
أحا وطنه الحلو
ضاعت شواطينه
-----
رفة گلب صعبه اليحب
متعوب كل وكته يحن
شوگ اوعذاب او ..أمل
والذكرى تلوينه
-----
راح الزمن يركض مضه
كلشي خلص ! صار العكس
يا وسفه ماكو أمل
مثل (الخرز) ..
طشينه ..
-----
كلمن صفاله ابكتر..
والدمع يچوينه
والذكرى صعبه تره
والدنيه لعبت بينه
والوكت ناسينه
-----
مرت علينه اشكثر ..
ويلات واحزان اوقهر
ماكو فرح كل العمر
ما ينعرف تالينه
-----
چـَـنـَّـه الحزن نتوارثـَـه !
-(جـَـد) او (أبـو) و(الابن) ..
من عهد (هولاكو) .. بدت
ايـوج الگلب .. نار اوجمر..
والدمع .. يطفينه
-----
شنهي السبب !
واحنه شعب .. طيبه اوكرم
اصل الحضاره والعلم ..
تشهد علينه الأمم
حصتنه منك بس ألم ؟
-(واطينه) الصفه عالينه !!
والزمن .. سابينه
وانذبحت العينه ..
الزمن .. سابينه
------------------------------------------
ســـــــــــــــــــتوكهولم
2 / كانون الثاني /2025

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل