شجرة وماي صافي

وليد المسعودي

الحوار المتمدن-العدد: 7343 - 2022 / 8 / 17 - 14:21
المحور: الادب والفن
    

على شفافي
بيديه وردات وضوه يضحك
على شفافي
خابرني وگال اجي
وبين الهوه
ناثر عشگ
لگفنه حلوات الدرب
وضميتلج بوسه وحضن
ما يرتجي
من الله غير اثنين
نبقى ولا يندلنا الغرب
غير اثنين
شجرة وماي صافي
خابرني وگال اجي
بيديه وردات وضوه
يضحك على شفافي
على شفافي.

واتنطرت فدوه الصوته
حلاوه
تذوب الروح بهواه
وبين الهمس غافي
ذاك گلبي
معلگ على مروته
لايف يجي صبحية
كل الغنا يمشي وراه
زفة عشگ
مليانه عصافير عصافير
تعرف بيتنه مشجر
وهواي اعشاش
هواي اعشاش
مثل روحي خضرة وندية
بين نهرين النفس
ما ميت عاش عاش
على دروبي ادگن بالتصابير
شمس وجهه تلوح
متانيه الروح
فدوه لهاي الجية
لهاي الجية
اروحن واجي
بيديه وردات وضوه
يضحك على شفافي
على شفافي .

المناطر درب
ما ينسى عشگه
والمفارگ محب
عايش بخنگه
وكل الضوه
كل الضوه
غيمه وتصفگه
وانه حبيبي
لو ما الملگه
كل النفس
كل الهوا
بالروح اشگه
بالروح اشگه .
مناطره الجية
شبگه وحضن
ما يرتجي
من الله غير اثنين نبقى
ولا يندلنا الغرب
غير اثنين
وبيديه وردات وضوه
يضحك على شفافي
على شفافي.

#وليد_المسعودي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات